Bütün xəbərlər
İlknur elə orada həbs edildi - Bacılara hökm oxundu
Tarix: 05-12-2023 11:58 | Bölmə: Siyasət

                       ilknur-ele-orada-hebs-edildi



Dələduzluqda ittiham olunan YAP Gənclər təşkilatının keçmiş sədr müavini, Binəqədi qəsəbə bələdiyyəsinin sabiq sədri Aytac Əliyeva və bacısı İlknur Turkutun cinayət işi üzrə məhkəmə araşdırması başa çatıb.
Sabaha-inamla.az “Qafqazinfo” istinadən xəbər verir ki, Bakı Ağır Cinayətlər Məhkəməsində keçirilən sonuncu iclasda hökm oxunub. 
Hökmə əsasən bacılar verilmiş ittihamlarla təqsirli bilinib. A. Əliyeva 7 il, İ.Turkut isə 6 il müddətinə azadlıqdan məhrum edilib. İ.Turkut məhkəmə zalında həbs edilib. 
Qeyd edək ki, A. Əliyeva Cinayət Məcəlləsinin 178.3.2-ci (külli miqdarda dələduzluq) və 320-ci (saxta sənəd hazırlama), İ.Turkut isə 178.3.2-ci (külli miqdarda dələduzluq) maddəsi ilə ittiham olunur. İş üzrə zərərçəkmişlərə dəymiş ziyan 1 milyon manata yaxın hesablanıb. 
A.Əliyeva həbsdə, İ.Turkut isə ev dustaqlığında idi.


Baxış sayı: 103


Bölməyə aid digər xəbərlər
17-02-2024, 22:08 Kadırovun oğlu nazir oldu