Bütün xəbərlər
IATA rəhbəri Rusiya Federasiyasını hava məkanının açılması barədə düşünməyə çağırıb
Tarix: 07-12-2022 00:15 | Bölmə: Siyasət


Beynəlxalq Hava Nəqliyyatı Assosiasiyasının (IATA) baş direktoru Uilyam Uolş Qərb ölkələrinə Rusiyanın hava məkanı vasitəsilə uçuşların bərpası imkanlarını nəzərdən keçirməyi təklif edib.
Sabaha-inamla.az rus mətbuatına istinadən xəbər verir ki,onun izahına görə, Rusiya Federasiyası və Ukrayna üzərindən uçuş qadağaları "böyük problem"lə nəticələnib - bu, Avropa səmasında təyyarələrin toplanmasına səbəb olub.
Uolş "The Telegraph"-a deyib: “Biz Rusiyanın hava məkanını açmaq barədə düşünməliyik".
Bununla əlaqədar olaraq o, Çinin son vaxtlar antikoronavirus siyasətinə görə uçuşların sayını məhdudlaşdıran, lakin 2023-cü ildə məhdudiyyətləri yüngülləşdirə bilən siyasətini xatırladıb. Belə olan halda, IATA rəhbərinin fikrincə, Çin aviaşirkətləri Avropadan, məsələn, Rusiyadan yan keçdiyinə görə uçuşları bir neçə saat gecikə bilən "British Airways"-dən üstün olacaq.
Eyni zamanda, əvvəllər "British Airways"-ə rəhbərlik edən Uolş qeyd edib ki, Rusiya Federasiyası ərazisindən uçuşlar Ukraynada münaqişə bitənə qədər bərpa edilməməlidir.
Qərb ölkələri Ukraynada xüsusi hərbi əməliyyatın başlamasından az sonra Rusiya ərazisi üzərində uçuşlara qadağa qoyub. Eyni zamanda, Rusiya ilə Çin və bir sıra digər ölkələr, o cümlədən Yaxın Şərq ölkələri arasında hava əlaqəsi dayanmadı.
Keçən ilin yayında IATA Minskdə Afinadan Vilnüsə uçan Ryanair təyyarəsinin məcburi enişindən sonra Avropa İttifaqının Belarus üzərindən uçuşlara qoyduğu qadağanı ləğv etməyə çağırıb. Daha sonra IATA bəyan edib ki, Aİ beynəlxalq qanunları kobud şəkildə pozur və siyasi vəzifələr biznes hesabına həll edilməməlidir.


Baxış sayı: 58


Bölməyə aid digər xəbərlər