Bütün xəbərlər
Latviyanın xarici işlər naziri Ukraynaya Rusiya aerodromlarını vurmağı təklif edib
Tarix: 30-11-2022 01:13 | Bölmə: Siyasət


Latviyanın xarici işlər naziri Edqars Rinkeviç bildirib ki, Kiyevə Ukraynanın kritik infrastrukturuna zərbələr endirən raket bazalarına hücum etməyə “icazə verilməlidir”.
Sabaha-inamla.az rus mətbuatına istinadən xəbər verir ki,“biz ukraynalılara raket buraxılış məntəqələri və bu əməliyyatların aparıldığı aerodromlara qarşı silahdan istifadə etməyə icazə verməliyik”, - Rinkeviç bildirib.
Eyni zamanda o, əlavə edib ki, Ukrayna müttəfiqləri eskalasiyadan qorxmamalıdır.
“RİA Novosti” qeyd edir ki, ABŞ indiyədək gərginliyə səbəb olmamaq üçün Ukraynanı uzaqmənzilli silahlarla təmin etməyib.
Ukraynanın bütün ərazisində enerji, müdafiə sənayesi, hərbi komandanlıq və rabitə obyektlərinə hücumlar oktyabrın 10-dan Rusiya Silahlı Qüvvələri tərəfindən həyata keçirilir - Krım körpüsündə terror aktından iki gün sonra başlayıb. O vaxtdan bəri hər gün Ukrayna vilayətlərində, bəzən bütün ölkə ərazisində hava hücumu xəbərdarlığı elan edilir.
“Ukrenerqo”nun məlumatına görə, Ukraynada elektrik enerjisi ilə bağlı vəziyyət fəlakətə yaxındır, bir sıra regionların enerji tutumları 60%-dən çox sıradan çıxıb.


Baxış sayı: 55


Bölməyə aid digər xəbərlər