Bütün xəbərlər
“Bizdə Əliyev kimi siyasətçi yoxdur, heç kim ona müqavimət göstərə bilmədi” - Erməni KİV
Tarix: 30-04-2022 01:26 | Bölmə: Siyasət

                    “Bizdə Əliyev kimi siyasətçi yoxdur, heç kim ona müqavimət göstərə bilmədi”



“Həqiqət ondan ibarətdir ki, 44 günlük müharibədə məğlubiyyət yalnız bir aşkar səbəbə görə mümkün oldu - Ermənistanda ölkəmiz müstəqillik əldə edəndən bəri İlham Əliyev səviyyəsində siyasətçi yox idi”.
“Qafqazinfo” xəbər verir ki, bu barədə “Armenian Report” portalında dərc olunan məqalədə deyilir. Müəllif bildirir ki, Levon Ter-Petrosyan digərlərindən daha çox obyektiv göstəricilərə əsaslanaraq, ən uğurlu dövlət başçısı adına uyğun gəlir.
“Amma o, “torpağın bir hissəsinin müqabilində sülh” prinsipi ilə əlaqəli ideyanı ortaya qoydu. O getdi və iyirmi ildən artıq xalqı aldadaraq, qarət edənlərə yol verdi. Bəli, Robert Köçəryan və Serj Sarkisyan dollar multimilyonerinə çevriliblər. Mif yaradıblar ki, bizim ordumuz düşmən ordusunu məğlub etməyə qadirdir. Bizi əmin etdilər ki, beynəlxalq ictimaiyyət Ermənistanın tərəfindədir.
Bunların heç biri olmadı. Hətta Rusiya bizi dəstəkləmədi. Hətta KTMT belə. Baxmayaraq ki, Ermənistan geosiyasi manevrlər üçün real imkanını itirərək Gömrük İttifaqına və Avrasiya İqtisadi Birliyinə qoşuldu. Biz tamamilə Rusiyadan asılı ölkə statusu almışıq”, - müəllif yazır. 
O qeyd edir ki, müharibədə məğlubiyyətdə hamı günahkardır: 
“Daha çox kimin günahı var - Köçəryanla Sarkisyanın, yoxsa Paşinyan? Bu, mənasız mübahisədir. Hamı günahkardır. Onsuz da mövcud olan şəraitdə Paşinyanın xüsusi variantları yoxdur. İndi onun rəqibləri iqtidarı istədikləri qədər tənqid edə bilərlər, amma bu, sadəcə, daxili siyasi gündəmdir.
Onlar hakimiyyətə gəldikdən sonra bütün yeni reallıqlarla razılaşmalı olacaqlar. Bir müddət vaxtı uzatmağa cəhd edə bilərsiniz, amma bu, sonda heç nəyi dəyişməyəcək. Bilirsiniz niyə? Çünki biz hər zaman aldanırdıq. Şüurlu və ya axmaq şəkildə, amma sonda qaydaları Bakının qoyduğu oyunu oynadıq.
Kim nə deyirsə desin, İlham Əliyev məqsədinə çatdı və heç kim ona müqavimət göstərə bilmədi. Əliyev elə etdi ki, bütün ATƏT-in Minsk qrupu əllərini yuxarı qaldırdı”.


Baxış sayı: 239


Bölməyə aid digər xəbərlər