İlham Əliyev bu şəxslərlə bağlı sərəncamlar imzaladı - Yenilənib
Tarix: 23-07-2021 17:35 | Bölmə: Siyasət

            İlham Əliyev bu şəxslərlə bağlı sərəncamlar imzaladı


Prezident İlham Əliyev Azərbaycanın Malayziyada, Myanma İttifaqı Respublikasında, Tailand Krallığında və Bruney Darüssalamda fövqəladə və səlahiyyətli səfirinin vəzifəsindən geri çağırılması haqqında sərəncam imzalayıb.
“Qafqazinfo” xəbər verir ki, sərəncama əsasən, Qaley Əliyeviç Allahverdiyev Azərbaycanın Malayziyada, Myanma İttifaqı Respublikasında, Tailand Krallığında və Bruney Darüssalamda fövqəladə və səlahiyyətli səfiri vəzifəsindən geri çağırılıb.
***
Dövlət başçısının digər sərəncamı ilə İrfan Davudov Azərbaycanın Malayziyada fövqəladə və səlahiyyətli səfiri təyin edilib.
***
Prezident İlham Əliyev Kamil Xasiyevin Azərbaycanın Serbiyada fövqəladə və səlahiyyətli səfiri təyin edilməsi barədə sərəncam imzalayıb.
***
Ölkə başçısının digər sərəncamına əsasən, Qalib İsrafilov Azərbaycanın Avstriyada, Sloveniyada və Slovakiyada fövqəladə və səlahiyyətli səfiri vəzifəsindən geri çağırılıb. Qalib İsrafilov Azərbaycanın BMT-nin Vyana şəhərindəki bölməsində, Avropada Təhlükəsizlik və Əməkdaşlıq Təşkilatı, BMT-nin Sənaye İnkişafı Təşkilatı, Nüvə Enerjisi üzrə Beynəlxalq Agentliyi və Nüvə Sınaqlarının Tamamilə Qadağan Olunması üzrə Müqavilə Təşkilatı yanında daimi nümayəndəsi vəzifəsindən geri çağırılıb.
***
Prezident Rövşən Sadıqbəylinin Azərbaycanın Avstriyada fövqəladə və səlahiyyətli səfiri təyin edilməsi ilə bağlı sərəncam imzalayıb. Rövşən Sadıqbəyli Azərbaycanın BMT-nin Vyana şəhərindəki bölməsində, Avropada Təhlükəsizlik və Əməkdaşlıq Təşkilatı, BMT-nin Sənaye İnkişafı Təşkilatı, Nüvə Enerjisi üzrə Beynəlxalq Agentliyi və Nüvə Sınaqlarının Tamamilə Qadağan Olunması üzrə Müqavilə Təşkilatı yanında daimi nümayəndəsi təyin edilib.


Baxış sayı: 62


Bölməyə aid digər xəbərlər