Vüqar İskəndərov: Radikal düşərgə təmsilçiləri yenə də xalqın, dövlətin yanında olmağı bacarmadılar
Tarix: 05-06-2021 23:58 | Bölmə: Siyasət
                                  

“Ötən il torpaqlarımızın işğaldan azad olunması ilə nəticələnən 44 günlük Vətən müharibəsi zamanı Azərbaycan dövlətinin, Azərbaycan Ordusunun, Azərbaycan xalqının yanında olmayan radikal müxalifət postmüharibə dövründə də öz “ənənəsinə” sadiq qalır. Bu da səbəbsiz deyil. Çünki radikalların bir məqsədi var- Nə olursa-olsun bir bəhanə tapıb Azərbaycan dövlətini hədəfə almaq”.
Bunu Milli Məclisin deputatı Vüqar İskəndərov deyib.
Deputat bildirib ki, dağıdıcılar ölkəmizin əldə etdiyi uğurlara kölgə salmaq üçün dəridən-qabıqdan çıxır, müxtəlif  yola baş vururlar: “Buna daha bir misal olaraq Müsavat Partiyasının sədri Arif Hacılının sosial şəbəkədəki paylaşımını göstərmək olar. Bəlli olduğu kimi, iyunun 4-də işğaldan azad edilmiş torpaqlarımızda öz vəzifə borclarını həyata keçirən iki jurnalist - Məhərrəm İbrahimov və Sirac Abışov, eyni zamanda, Kəlbəcər rayonu Susuzluq kəndi üzrə icra nümayəndəsinin müavini Arif Əliyev minaya düşərək həlak olublar. Bu hadisə həm ölkə daxilində, həm də xaricdə kədərlə və etirazla qarşılanıb. Hər kəs bu faciənin günahkarının mina xəritəsini israrla Azərbaycana təhvil verməyən Ermənistan hakimiyyətinin olduğunu bəyan edir. Ancaq radikal düşərgə təmsilçiləri yenə də xalqın, dövlətin yanında olmağı bacarmadılar. Bu faciənin günahkarının Ermənistan olduğunu bilə-bilə Arif Hacılının “7 aydır ki, ölkənin 700 min vətəndaşı mina bəhanəsi ilə öz ata-baba yurduna buraxılmır” yazmasına isə heç bir normal sözlə qiymət vermək mümkün deyil”.
 



Baxış sayı: 84


Bölməyə aid digər xəbərlər