Bütün xəbərlər
“Azərbaycanın koronavirusa qarşı mübarizə siyasəti dünyaya nümunədir" – Millət vəkili
Tarix: 08-05-2020 18:35 | Bölmə: Siyasət

                  “Azərbaycanın koronavirusa qarşı mübarizə siyasəti dünyaya nümunədir"– Millət vəkili


Prezident İlham Əliyev Rusiyanın TASS informasiya agentliyinin baş direktorunun birinci müavini Mixail Qusmana eksklüziv müsahibə verib. Ölkə başçısı müsahibə zamanı koronavirusa qarşı mübarizə ilə bağlı mühüm məqamlara toxunub. 
Bu barədə Unikal.org-a açıqlama verən millət vəkili Sadiq Qurbanov bildirib ki, dünyanın bir çox ölkələri, beynəlxalq təşkilatlar Azərbaycanın həm COVİD-19-a qarşı ölkə daxilində mübarizəsini, həm də qlobal şəkildə bu pandemiyaya qarşı mübarizə istiqamətində beynəlxalq səviyyədə təşəbbüslərini və gördüyü işləri yüksək qiymətləndirir:
"Cənab prezident İlham Əliyev və birinci vitse-prezident Mehriban xanım Əliyevanın tapşırığı ilə koronavirusla mübarizə istiqamətində qabaqlayıcı tədbirlər görüldü.Xəstəxanalar, səhiyyə ocaqları bütün zəruri tibbi avadanlıqlar və ləvazimatlarla tam təchiz olundu.Ölkəmizdə bu virusun aşkarlandığı ilk günlərdən karantin rejimi tətbiq olundu.Təbii ki, bütün atılan addımlar öz məntiqi nəticəsini verdi. Bu virusdan dünyasını dəyişən insanların sayının az olmasına görə Azərbaycan dünyada ön sıralardadır.Cənab prezident dəfələrlə öz çıxışlarında bildirib ki, Azərbaycan mərhələli şəkildə məhdudlaşdırıcı tədbirlər tətbiq etdi və hadisələrin arxasınca getməyə yox, onları qabaqlamağa çalışaraq uğur qazandı. Azərbaycanda həkimlərə, tibb işçilərinə qayğı ilə yanaşılır, onların fəaliyyəti yüksək qiymətləndirilir.Elə buna görə də Ümumdünya Səhiyyə Təşkilatının Baş direktorunun Azərbaycan Prezidentinə ünvanlanmış məktubunda Azərbaycan rəhbərliyinin gördüyü tədbirlər yüksək qiymətləndirilib, Azərbaycan nümunəvi ölkə adlandırılıb.Vətəndaşlardan xahiş edirik ki, hökümətin atdığı addımlara dəstək olsunlar, anlayışla qarşılasınlar.Onlar Nazirlər Kabineti yanında operativ qərargahın bütün tələb və tövsiyyələrinə əməl etsinlər, karantin qaydalarını pozmasınlar.Covid-19 pandemiyasına yoluxanların sayının artmaması üçün bütün rəsmi qaydalara əməl etmək lazımdır.Hörmətli birinci vitse-prezidentimiz Mehriban Əliyeva da xalqa çağırış etdi. İnsanlara bütün qaydalara əməl etməyi tövsiyyə etdi.Ümumilikdə inanıram ki, hökümətin bu mübarizə ilə bağlı atdığı addımlar öz nəticəsini verəcək.Dövlətimiz ən az ziyanla bu virusla mübarizədən qalib çıxacaq".


Baxış sayı: 449


Bölməyə aid digər xəbərlər