18:57 / 26-11-2021
Əvəz Həsənov vəfat etdi
Sumqayıtda şəhid Niyaməddin Ələkbərovun ildönümü qeyd olundu-Şəhidin atasının müsahibəsi-VİDEO
Tarix: 04-10-2021 01:01 | Bölmə: Müsahibə


Sumqayıtda şəıhidlik zirvəsinə ucalmış Niyaməddin Ələkbərovun ildönümü keçirilib. "Billur" şadlıq sarayında keçirilən tədbirdə şəhid ailələri, ictimayyət nümayəndələri, jurnalistlər, şəhərin icra hakimiyyətinin nümayəndəsi və s. ziyalılar iştirak ediblər. Tədbirdə şəhidə həsr olunmuş " Mübarizlər, Fəridlər, Səbuhilər" qrupunun hazırladığı videoçarx nümayiş etdirilib. Şəhidin atası İsrafil Ələkbərov Sabaha-inamla.az-a müsahibə verib. Həmin müsahibənin videosunu tamaşaçıların diqqətinə çatdırırıq:                                    
Niyaməddin İsrafil oğlu Ələkbərov 1989-cu il iyulun 12-də Şərur şəhərində anadan olub.Azərbaycan Ordusunun giziri olan Niyaməddin Ələkbərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Niyaməddin Ələkbərov oktyabrın 2-də Füzuli döyüşləri zamanı şəhid olub.
                              
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Niyaməddin Ələkbərov ölümündən sonra "Vətən uğrunda" medalı ilə təltif edildi.
                           
Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Niyaməddin Ələkbərov ölümündən sonra 3-cü dərəcəli "Vətənə xidmətə görə" ordeni ilə təltif edildi.
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Niyaməddin Ələkbərov ölümündən sonra "Füzulinin azad olunmasına görə" medalı ilə təltif edildi.

Namiq MƏMMƏDLİ
Sabaha-inamla.az



Baxış sayı: 181


Bölməyə aid digər xəbərlər