Bütün xəbərlər
Polkovnik Sadir Məmmədov: "İlham Əliyev artıq tarixə düşmüş böyük sərkərdədir"-VİDEO
Tarix: 19-11-2023 18:48 | Bölmə: Müsahibə

"Məhəmməd Əsədov qolumdan  tutub vertolyota minməyə qoymadı, dedi: sən qal, biz gəlirik!"
 
Polkovnik Sadir Məmmədovu   uzun illərdir tanıyıram. Tanışlığımızın hardasa  30 ilə yaxın tarixi var. Şuşada, Ağdərədə polis rəisi olmasını bilirdim. Ermənilərə qarşı orda mübarizə aparması da mənə məlum idi. Zəhmli polkovniki adını almışdı.Yerində olan, işini bilən  kadr idi. Qarabağda işlədiyi vaxtlarda çox əziyyət çəkmişdi. Gecəsi-gündüzü olmamışdı. Xalqı, vətəni üçün əlindən gələni eləmişdi.Ölümlə üzləşmişdi. Erməni terrorçuları onu qətlə yetimək də istəmişdilər. Xoşbəxtlikdən o sağ qalmışdı.
Bu günlərdə onu  Sumqayıt Şəhidlər Xiyabanında bir şəhid tədbirində təsadüfən gördüm. Tələbəsi olmuş şəhidin məzarı önündə  çıxışda etdi. Tədbirdən sonra görüşdük.
Azda olsa söhbət etdik.  20  noyabr faciəsi ərəfəsində müsahibə verməsini xahiş etdim. Nədənsə bu qədər xidmətləri olan insan təvazökarlıq edirdi. Söhbətdən yayınmaq istəyirdi.Axır ki,  onu razı sala bildim.Əvvəlcə qəhrəmanımızın keçdiyi həyat yoluna nəzər salaq.
Bakı Slavyan Universitetinin Azərbaycanşünaslıq elmi-tədqiqat
laboratoriyasının müdiri, hüquq elmləri namizədi, dosent, Qarabağ müharibəsi veteranı, istefada olan polis polkovniki Sadir Surxay oğlu Məmmədov 14 fevral 1950-ci ildə Düzən Qarabağın Göytəpə sovetliyinin Kəngərli kəndində dünyaya göz açmışdır. 1970-ci ildə H.Zərdabi adına Kirovabad Dövlət Pedaqoji İnstitutunu bitirən S.S.Məmmədov bir müddət Ağdam rayonunun Söyüdlüqol orta məktəbində və Üzeyir Hacıbəyov adına Musiqi Texnikumunda tarix və ictimaiyyət müəllimi
işləmişdir. 1971-1972-ci illərdə hərbi xidmətdə olmuş və hərbi xidməti başa vurduqdan sonra yenidən həmin məktəbə qayıtmış və direktor müavini təyin edilmişdir.

S.S.Məmmədov 1973-cü ildə Özbəkistan Respublikası daxili işlər
orqanlarında əməliyyat müvəkkili, baş əməliyyat müvəkkili və Buxara şəhər Daxili İşlər İdarəsinin cinayət-axtarış şöbəsinin rəisi vəzifələrində işləmişdir. 1982-ci ildə Moskvada SSRİ DİN-in Akademiyasına daxil olan S.S.Məmmədov 1984-cü ildə oranı fərqlənmə diplomu ilə bitirmiş, əvvəlcə Bakı Milis Məktəbində müəllim, baş müəllim, kafedra rəisi və 1986-1988-ci illərdə AR DİN-in cinayət axtarışı idarəsində mühüm işlər üzrə baş əməliyyat müvəkkili vəzifələrində çalışmışdır.

Qarabağ müharibəsi alovlanmağa başladığı ilk günlərdən müsəlləh əsgər
olan S.S.Məmmədov 1989-cu ildə Şuşa rayon Daxili İşlər Şöbəsinin rəisi, 1990-cı ildə DQMV-nin Daxili İşlər İdarəsinin rəis müavini, 1992-ci ildə Ağdərə rayon Daxili İşlər Şöbəsinin rəisi vəzifələrində fəaliyyət göstərmişdir.

S.S.Məmmədov 1992-ci ildə Özbəkistan Respublikası DİN-in Ali Milis Məktəbində baş müəllim, 1993-ci ildə həmin ölkənin DİN Baş Cinayət Axtarışı İdarəsinin rəis müavini vəzifələrində xidmət etmişdir. 1993-cü ilin oktyabrında Azərbaycan Respublikası DİN-in Narkomaniya və Narkobiznesə qarşı Mübarizə İdarəsinin rəis müavini, 1995-ci ilin dekabrından Baş Polis İdarəsində Nəqliyyatda
Cinayət Axtarış İdarəsində şöbə rəisi, 2000-2005-ci ildə isə həmin idarədə Narkotiklərlə Mübarizə Şöbəsinin rəisi vəzifəsində fəaliyyət göstərmişdir.
2005-ci ildə isə yaş həddinə görə daxili işlər orqanlarından təqaüdə çıxmışdır.

2007-ci ildə “Narkotik cinayətkarlıqların təzahürləri və onlara qarşı
mübarizənin problemləri” mövzusunda elmi-tədqiqat işini başa vuraraq müdafiə etmiş və hüquq elmləri namizədi alimlik dərəcəsi adına layiq görülmüşdür.

2010-cu ilin yanvar ayından bu günə kimi Bakı Slavyan Universitetinin
Beynəlxalq Münasibətlər və Regionşünaslıq fakültəsinin Diplomatiya və xarici siyasət kafedrasının dosenti, həmçinin BSU-nun Elmi-Tədqiqat Layihələr Laboratoriyasının Azərbaycanşünaslıq və Slavistika bölməsininmüdiri vəzifəsində işləyir.

S.S.Məmmədov 50-dən çox elmi əsərin, 5 monoqrafiyanın müəllifidir.
Alim ermənilərin Xocalıda törətdiyi soyqırımı və azərbaycanlılara qarşı
törədilmiş digər vandalizm aktlarını ifşa edən onlarla sanballı əsərin müəllifidir.
Onun “Xocalı soyqırımı” və “Ermənilərin azərbaycanlılara qarşı törətdikləri
soyqırım” adlı kitabları 12 xarici dilə (türk, rus, ingilis, ukrayna, belarus,
fransız, alman, yunan, çex, polyak, bolqar və ivrit dillərinə) tərcümə olunaraq nəşr edilmişdir. S.S.Məmmədovun Qarabağ probleminə həsr olunmuş elmi məqalələri respublikamızla yanaşı 
Rusiya Federasiyasında «Право и жизнь»
(“Азербайджанская республика в современной системе международно-
правовых отношений: карабахский аспект
перспективы урегулирования”, №191(5) Москва, 2013-2014 г.), “ЗАКОН И ПРАВО”(Проблема применения двойных стандартов в международном праве в контексте урегулирования Нагорно-Карабахского конфликта”, № 9, Москва. 2014, səh.118-123), “Право и государство” (“О праве государства на самооборону в ракурсе международно-правового урегулирования Нагорно-Карабахского конфликта. Москва, № 2 (l22), 2015 стр. 121-127) kimi tanınmış  jurnallarda; Qazaxıstanda (“Еще один взгляд на проблему Нагорного Карабахa(ingilis dilində)/ “Век науки и образования” Science and education century. Scientific journal №№1-3(33-35), Кazakhstan, 2012, 171 p., p. 3-9); Ukraynada(Борьба с наркотическими преступлениями во внешней политике Азербайджана в контексте сотрудничества с Организацией Объединенных Наций (ingilis dilində). Національный педагогічний університет имені M.П.Драгоманова, Украінська Академія Наук, “Гілея” науковий вісник, Выпуск 79 (№ 12), Киів-2013, с.371, ст. 335-337.) və «Проблема Нагорного Гарабаха в контексте международного права». Чернігівський національний технологічний університет,Чернігів : видавець Брагинець О.В., 2019. – 290 с., с. 220-224); Polşada(“International Law and the Nagorno-Karabakh War: Opinion on Political Aspects”. Polish Pol. Sci. Y.B. 385 (2016) Polşa 2016; “The Armenia - Azerbaijan Nagorno-Karabakh Conflict and New Threats to the International Security Architecture in the Modern Period: Challenges and Responses”. Nowa Polityka Wschodnia 2018, 2(17), 57-72 Polşa. 2018); Venesuelada (“New threats to the international security architecture in the modern period” // Universidad del Zulia. Venezuela. Karakas - 2018), Koreyada (“The Armenia-Azerbaijan Nagorno-Karabakh Conflict and New Threats to the International Security Architecture in the Modern Period: Challenges and Responses. Inha University. (Multikultural Konvergensiya Araşdırma İnstitutu. Multikulturalizm və təhsil. (2017, 12) Cild 2, № 2, səh. 71-87) və digər ölkələrin elmi toplularında işıq üzü görmüşdür.
S.S.Məmmədov Azərbaycan Respublikası Veteranlar Şurasının üzvüdür.
Ailəlidir, 3 övladı, 6 nəvəsi var.

Sadir Surxay oğlu Məmmədov işlədiyi müddətdə universitetin təşkil etdiyi əksər tədbirlərdə, elmi seminarlarda, beynəlxalq konfranslarda fəal iştirak etməklə yanaşı, öz təşəbbüsü ilə geniş auditoriyalarda müxtəlif mövzularda məruzələrlə çıxış etmişdir. 2010-cu ildən başlayaraq hər il Ümummilli Lider Heydər Əliyevin anadan olması ilə bağlı may aylarında beynəlxalq konfranslar təşkil edir.
O həm tarixçi, həm də hüquqşünas kimi mütəmadi olaraq gənclər qarşısında vətənpərvərlik mövzusunda mühazirələr oxuyur, dəyirmi masa və elmi seminarlar təşkil edir. BSU-nun Diplomatiya və xarici siyasət kafedrasının dosenti və Elmi-Tədqiqat Layihələr Laboratoriyasının Azərbaycanşünaslıq və Slavistika bölməsininmüdiri olaraq S.S.Məmmədov həmişə özünü məsuliyyətli əməkdaş kimi göstərmiş, verilən tapşırıqları vaxtlı-vaxtında yerinə yetirmişdir. Universitetin kollektivi ilə ünsiyyətdə səmimiliyi ilə seçilmişdir. O, elmi-nəzəri cəhətdən hazırlıqlı və praktik həyat təcrübəsinə malik ziyalıdır.
Biz belə qəhrəmanlarımızla fəxr edirik. Əminik ki, Qarabağ müharibəsinin iştirakçısı olmuş Sadir müəllim heç vaxt yaddan çıxmayacaq.Onun Vətən qarşısında göstərdiyi  xidmətlərə qiymət veriləcək!
Namiq MƏMMƏDLİ
Sabaha-inamla.az

                  







Baxış sayı: 1 681


Bölməyə aid digər xəbərlər