Bütün xəbərlər
Naxçıvan şəhərinin Heydər Əliyev Sarayında "Qərbi Azərbaycana qayıdış" festivalı keçirildi
Tarix: 23-11-2023 20:51 | Bölmə: Mədəniyyət

Festivalda ilk öncə, Qərbi Azərbaycana həsr olunan sərginin nümayişi keçirildi. Ardınca festival öz işinə başladı.
Sabaha-inamla.az xəbər verir ki, ilk olaraq, AMEA-nın müxbir üzvü, Qərbi Azərbaycan İcmasının Müşahidə Şurasının üzvü Misir Mərdanov, Hacettepe Universitetinin rektoru, professor Mehmet Cahit Güran, Qərbi Azərbaycan İcmasının Ağsaqqallar Şurasının Sədri, Milli Məclisin üzvü, akademik Əhliman Əmiraslanov, Gazi Universitetinin rektoru, professor Musa Yıldız, Qərbi Azərbaycan İcmasının Müşahidə Şurasının üzvü, Memarlıq və İnşaat Universitetinin rektoru, professor Gülçöhrə Məmmədova, Atatürk Universitetinin rektoru, professor Ömer Çomaklı, Qərbi Azərbaycan İcmasının Nəzarət-Təftiş Komissiyasının sədri, Azərbaycan Respublikasının Auditorlar Palatasının sədri, professor Vahid Novruzov, Qərbi Azərbaycan İcmasının Ağsaqqallar Şurasının üzvü, akademik Abel Məhərrəmov, ADPU-nun rektoru, professor Cəfər Cəfərov və Türkiyə Prezidenti yanında Təhlükəsizlik və Xarici Siyasət Şurasının üzvü, Türkiyə-Azərbaycan Dostluq, Əməkdaşlıq və Həmrəylik Fondunun rəhbəri, professor Aygün Attar çıxış etdilər.
Bildirdilər ki, Qərbi Azərbaycan mövzusu Azərbaycan Respublikasının ərazi bütövlüyünün təmin olunması ilə daha da aktuallaşmışdır. Bu gün keçirilən festival- kongres ən uğurlu layihələrdən biri olmaqdadır. Dövlət başçımız qeyd etdiyi kimi, biz Qərbi Azərbaycana qayıdacağıq. Tariximizə, mədəniyyətimizə, mədəni irsimizə sahib çıxmalıyıq. Bunları beynəlxalq miqyasda müdafiə etməliyik. Qeyd etdilər ki, konqres-festival olduqca böyük mahiyyət kəsb etməkdədir. Çünki, dövlətimizun və xalqımızın birliyi, bizim tarixi Qələbəmizi təmin elədi. Bütün ömrümüz boyunca əziz Şəhidlərimizin əziz xatirəsini yad edəcək, qəhrəman qazilərimizə minnətdar olacağıq.
Sonra Qərbi Azərbaycan folklor nümunələrindən ibarət olan konsert proqramı başlandı.

Sabaha-inamla.az


Baxış sayı: 195


Bölməyə aid digər xəbərlər