13:19 / 22-06-2024
İki uşaq kanalda boğulub
Bütün xəbərlər
Bəstəkarlar İttifaqında Arif Məlikovun anadan olmasının 90 illiyinə həsr olunmuş konfrans keçirilib
Tarix: 16-11-2023 01:11 | Bölmə: Mədəniyyət

Bu gün Azərbaycan Bəstəkarlar İttifaqında görkəmli bəstəkar, Azərbaycanın və SSRİ-nin xalq artisti, Dövlət mükafatı laureatı, "Şərəf nişanı", "Şöhrət", "İstiqlal", "Heydər Əliyev" ordenli, akademik Arif Məlikovun anadan olmasının 90 illiyinə həsr olunmuş elmi-praktik konfrans keçirilib.

                       
                       
Tədbirdə ön sözlə Azərbaycan Bəstəkarlar İttifaqının katibi, əməkdar incəsənət xadimi, professor Zemfira Qafarova çıxış edib.
Musiqişünas, əməkdar incəsənət xadimi, professor İmruz Əfəndiyeva "Xatirələrdə yaşayan böyük bəstəkar", bəstəkar, əməkdar müəllim, dosent Lalə Cəfərova "Arif Məlikovun balet yaradıcılığı, bəstəkar, dosent Pikə

                         
                         
Axundova "Arif Məlikovun simfonik musiqisi", musiqişünas,dosent Aytən İbrahimova "Arif Məlikovun kamera-vokal əsərləri", bəstəkar, əməkdar müəllim, dosent Arzu Məmmədova "Arif Məlikov haqqında xatirələrim" mövzusunda məruzələr ediblər.
Sonra isə Arif Məlikovun əsərləri pianoda(Zərif Kərimova), fleytada(Nərgiz Əliyeva), kanonda(Rəna Mirağayeva) və əməkdar artist Nərgiz Kərimova tərəfindən ifa olunub.
Konfransda çıxış edən görkəmli bəstəkarın qardaşı qızı, əməkdar artist, Üzeyir Hacıbəyli adına BMA-nın baş müəllimi Nigar Məlikova əmisi ilə bağlı xatirələrini danışıb. Və bu tədbiri təşkil edən, başda Firəngiz Əlizadə olmaqla hər bir kəsə öz minnətdarlığını bildirib.
Namiq MƏMMƏDLİ
Sabaha-inamla.az

































Baxış sayı: 280


Bölməyə aid digər xəbərlər
23-03-2024, 13:08 Emindən ilk - Reaksiya