Bütün xəbərlər
Portuqaliya dünya çempionatının 1/8 finalına yüksəlib
Tarix: 29-11-2022 01:47 | Bölmə: Manşet


Portuqaliya millisinin futbolçuları dünya çempionatının qrup mərhələsinin 2-ci turunda Lusail şəhərində Uruqvay yığmasına 2:0 hesabı ilə qalib gəliblər.
Sabaha-inamla.az rus mətbuatına istinadən xəbər verir ki,qaliblər üçün Bruno Fernandes 54-cü və 90+3-cü dəqiqələrdə dubl edib. Birinci halda “Mançester Yunayted”in yarımmüdafiəçisinə Rafael Qerreyra kömək edib, ikinci qolu isə penaltidən vurub.
İlkin olaraq ilk qolun müəllifi kimi Kriştiano Ronaldo göstərilsə də, təkrarı izlədikdən sonra topun 37 yaşlı hücumçunun başından bir neçə santimetr uçduğu məlum olub.
Portuqaliya ardıcıl ikinci qələbəsini qazanaraq H qrupuna altı xalla liderlik edir, Qana 3 xalla ikinci, Cənubi Koreya 1 xalla üçüncü, Uruqvay 1 xalla dördüncüdür.
Turnirin pley-off mərhələsinə vaxtından əvvəl yüksələn portuqaliyalılar qrup mərhələsinin son oyununda dekabrın 2-də cənubi koreyalılarla, həmin gün uruqvaylılar isə qanalılarla qarşılaşacaq.


Baxış sayı: 46


Bölməyə aid digər xəbərlər
26-01-2023, 21:32 Lavrov Eritreyaya gəlib