22:20 / 15-05-2022
Tramp tviterə qayıtmayacaq
16:05 / 15-05-2022
Renat İbrahimov vəfat edib
Sahibə Qafarova yenə əsəbiləşdi
Tarix: 15-12-2021 00:52 | Bölmə: Manşet

                    Sahibə Qafarova yenə əsəbiləşdi


Milli Məclisin bu gün keçirilən iclasında deputat Sabir Rüstəmxanlının ölkədə işsizliklə bağlı fikirləri spiker Sahibə Qafarovanı əsəbiləşdirib.
“Qafqazinfo”nun xəbərinə görə, deputat Sabir Rüstəmxanlı qeyd edib ki, rayonda iş yerləri yoxdur deyə hamı köçüb Bakıya gəlir: “Burada biz qanunları gurultulu şəkildə qəbul edirik. Amma faktiki olaraq ölkədə işsizlik var. Bundan əlavə, qanunda özünəməşğul ifadəsi işlədilir. Bu adam nə işlə məşğul olur ki, özünəməşğul sayılır? Bu terminlərə fikir vermək lazımdır”.
Spiker Sahibə Qafarova isə qeyd edib ki, parlamentdə heç bir qanun gurultulu qəbul edilmir: “Hər bir deputat öz fikrini ifadə edə bilir. Siz elə dediniz ki, elə bil hər yer dağılıb. Necə yəni ortada bir şey yoxdur? Ölkədə bu qədər işlər görülür. Bu boyda işlərdən sonra demək olarmı ki, heç nə yoxdur? Mən indiyə kimi özümə icazə verməmişəm ki, kiminsə sözünü təhrif edim. Buna mənim tərbiyəm də imkan verməz. Nə eşitdimsə, ona da reaksiya verdim.
Bura heç kim elə- belə yığışmayıb. Hamısı seçilmiş insanlardır. Xahiş edirəm, sözlərinizə sərhəd qoyun”.
Xatırladaq ki, bundan əvvəl S.Qafarova dəfələrlə deputatlar tərəfindən səslənən fikirlərə narazılığını bildirib. Sonuncu dəfə millət vəkili Tahir Kərimlinin Milli Məclisin avtoparkının yenilənməsi haqda təklifi spikeri əsəbiləşdirmişdi.


Baxış sayı: 102


Bölməyə aid digər xəbərlər