Bütün xəbərlər
"Axios": Uitkoffun özəl qolf klubu Ukrayna-ABŞ danışıqları üçün seçilib
Tarix: 30-11-2025 19:58 | Bölmə: Dünya

"Axios" xəbər verir ki, ABŞ Prezidenti Donald Trampın xüsusi elçisi Stiven Uitkoffa məxsus Mayamidəki Shell Bay qolf klubu Ukrayna nümayəndə heyətinin ABŞ nümayəndələri ilə sülh planı üzrə danışıqları üçün seçilib.
Sabaha-inamla.az rus mətbuatına istinadən xəbər verir ki, Ukrayna danışıqlar qrupuna Milli Təhlükəsizlik və Müdafiə Şurasının (NSDC) katibi Rüstəm Umerov rəhbərlik edir. Nümayəndə heyətinə həmçinin xarici işlər nazirinin müavini Sergey Kıslıtsya, Ukraynanın ABŞ-dakı səfiri Olha Stefanişina, Ukrayna Silahlı Qüvvələrinin Baş Qərargah rəisi general Andrey Hnatov və Ukrayna kəşfiyyat xidmətlərinin nümayəndələri daxildir.
"Axios" Amerika rəsmisinə istinadən xəbər verir ki, ABŞ bu görüşdə ərazi məsələləri və təhlükəsizlik zəmanətləri ilə bağlı fikir ayrılıqlarını həll etmək niyyətindədir.
Mənbə bildirib ki, "Ukraynalılar onlardan nə gözlədiyimizi bilirlər".
Nəşrin məlumatına görə, bir həftə əvvəl keçirilən Cenevrə danışıqlarında tərəflər bu iki məqamdan başqa bütün məsələlərdə razılığa gələ biliblər.
ABŞ tərəfini təmsil edən Dövlət Katibi Marko Rubio, Stiven Vitkoff və Amerika liderinin kürəkəni Cared Kuşner danışıqlarda iştirak edirlər.
Daha əvvəl Umerov özünün Telegram kanalında Ukrayna nümayəndə heyətinin Vitkoff, Rubio və Kuşnerlə görüşə başladığını elan etmişdi. Lakin bu mövzu ilə bağlı bütün paylaşımlar qısa müddət sonra silindi.



Baxış sayı: 27


Bölməyə aid digər xəbərlər