Bütün xəbərlər
Makron: "Moskva vilayətində törədilən terror aktına görə məsuliyyət daşıyan Vilayət Xorasan Fransanı hədələyib"
Tarix: 25-03-2024 15:44 | Bölmə: Dünya


"Crocus City Hall"da törədilən terror aktına görə məsuliyyəti üzərinə götürən Rusiyada qadağan edilmiş Vilayət Xorasan terror təşkilatı Fransanı hücumla hədələyib.
Sabaha-inamla.az rus mətbuatına istinadən xəbər verir ki, bu sözləri Qvianaya səfər edən Fransa prezidenti Emmanuel Makron deyib. O əlavə edib ki, Paris regionda tərəfdaş kimi Rusiya kəşfiyyat xidmətlərinə terror aktına görə məsuliyyət daşıyanların tapılması üçün əməkdaşlıq təklif edib, həmçinin terrorizmlə effektiv mübarizə aparmağa çağırıb. Makron həmçinin baş nazir Qabriel Attalın Fransada terror təhlükəsini maksimum səviyyəyə qaldırmaq qərarını ağlabatan adlandırıb.
“The New York Times” yazır ki, Moskva vilayətində baş verən terror aktından sonra islamçı terrorçular Avropada, xüsusilə Fransa, Belçika, Böyük Britaniya və bir sıra digər ölkələrdə hücumlar həyata keçirmək cəhdlərini gücləndirə bilərlər. BMT-nin terrorizmlə mübarizə üzrə ixtisaslaşmış keçmiş əməkdaşı Edmund Fitton-Braun 2024-cü ilin yayında Parisdə keçiriləcək Olimpiya Oyunlarını “əsas terror hədəfi” adlandırıb.
Bu il yanvarın 3-də İranın Kirman şəhərində “İslam Dövləti” (Rusiyada qadağan olunmuş terror qruplaşması) terrorçuları iranlı general Qasım Süleymaninin anım mərasimində partlayışlar törədiblər. Daha sonra 94 nəfər terror aktlarının qurbanı olub. Bu qrupdan olan terrorçuların ən böyük hücumu 2016-cı ildə Nitsa sahilində 86 nəfərin həyatına son qoyan terror aktı olub.
"Crocus City Hall"da törədilən terror aktı 137 nəfərin ölümünə, daha 182 nəfərin yaralanmasına səbəb olub. Faktla bağlı Rusiya Cinayət Məcəlləsinin 205-ci (terror aktı) maddəsi ilə cinayət işi başlanıb. Bryansk vilayətində konsert salonuna silahlı hücumun 4 birbaşa iştirakçısı və onların şərikləri saxlanılıb. Terrorçular Rusiya prezidenti Vladimir Putinin dediyi kimi, Ukrayna tərəfində onların keçməsi üçün “pəncərə” açıq olan Ukrayna ilə sərhədə doğru irəliləyirdilər.


Baxış sayı: 68


Bölməyə aid digər xəbərlər