Bütün xəbərlər
İsrailin cənubunda terrorçu avtobus dayanacağında insanları güllələyib
Tarix: 16-02-2024 19:38 | Bölmə: Dünya

“Jerusalem Post” xəbər verir ki, İsrailin cənubunda iki nəfər terrorçu tərəfindən öldürülüb, daha dörd nəfər yaralanıb.
Sabaha-inamla.az rus mətbuatına istinadən xəbər verir ki, hücumçu oğurladığı avtomobili Kiryat Malaxi şəhəri yaxınlığındakı avtobus dayanacağına aparıb, oradan çıxıb və avtobus gözləyən insanları güllələyib. Şərqi Qüdsdəki Şuafat qaçqın düşərgəsində yaşayan terrorçu yoldan keçən sürücü tərəfindən vurularaq öldürülüb.
6 yaralı xəstəxanaya çatdırılsa da, onlardan ikisi dünyasını dəyişib. Həkimlər daha iki nəfərin vəziyyətini ağır qiymətləndirirlər.
Fələstin İslami Cihadının (Rusiya Federasiyasında qadağan olunmuş) nümayəndəsi faktiki olaraq terror aktına görə məsuliyyəti öz üzərinə götürərək, qətlə yetirilən gəncin əməlini təsdiqləyib və Qəzza zolağındakı əməliyyata görə İsraildən qisas almağa çağırıb.




Baxış sayı: 56


Bölməyə aid digər xəbərlər