Bütün xəbərlər
ABŞ Konqresinin Nümayəndələr Palatası daxili təhlükəsizlik nazirinin impiçmentini dəstəkləyir
Tarix: 14-02-2024 11:20 | Bölmə: Dünya

Amerika Konqresinin Nümayəndələr Palatası ölkənin Daxili Təhlükəsizlik Departamentinin rəhbəri Alejandro Mayorkasın impiçmentini ikinci dəfə dəstəkləyib.
Sabaha-inamla.az rus mətbuatına istinadən xəbər verir ki, CNN-nin məlumatına görə, 214 qanunverici Mayorkasın impiçmentinin lehinə, 213-ü əleyhinə səs verib. Telekanalın qeyd etdiyi kimi, bu, ABŞ tarixində ikinci belə haldır.
"Amerika tarixində əvvəllər yalnız bir kabinet məmuru impiçment edilib: 1876-cı ildə müharibə katibi Uilyam Belknap", - jurnalistlər aydınlıq gətirirlər.
Respublikaçılar Meksika ilə sərhəddəki böhranla əlaqədar Alexandro Mayorkasın istefasını tələb ediblər. Fevralın 7-də Nümayəndələr Palatasında səsvermə zamanı əksəriyyət buna qarşı çıxıb.
İkinci dəfə qəbul edilən qətnaməyə demokratların nəzarət etdiyi ABŞ Senatı baxmalıdır.
ABŞ prezidenti Co Bayden artıq respublikaçıları “xırda siyasi oyunlarda” ittiham edərək, qanunvericilərin qərarına cavab verib.
Ağ Evin yaydığı bəyanatda Bayden, "Tarix Nümayəndələr Palatasının respublikaçılarına açıq-aşkar konstitusiyaya zidd partizan hərəkətlərinə görə yaxşı baxmayacaq" deyib.



Baxış sayı: 59


Bölməyə aid digər xəbərlər