13:19 / 22-06-2024
İki uşaq kanalda boğulub
Bütün xəbərlər
Fransanın NATO-dan çıxması və Ukraynanın silahlanmasına qarşı yürüş başlayıb
Tarix: 18-03-2023 22:28 | Bölmə: Dünya


Parisdə “Sülh marşı” adlı aksiya başlayıb.

Sabaha-inamla.az rus mətbuatına istinadən xəbər verir ki, onun iştirakçıları Ukraynaya silah tədarükünü dayandırmağı və Fransanın NATO-dan çıxmasına təşəbbüs göstərməyi tələb edirlər.
Nümayişçilər Port Royal metro stansiyasına toplaşıblar və eyniadlı sarayın və parkın da yerləşdiyi Palais Royala yollanacaqlar. Meydan Luvrun şimal qanadının qarşısında yerləşir.
Jurnalistlərin məlumatına görə, aksiyada bir neçə min insan iştirak edir. Onlar “Gəlin NATO-nu tezliklə tərk edək!”, “Makron, biz sənin müharibəni istəmirik”, “Makronun təqaüdə getməsini, etimadsızlıq səsverməsi üçün!”, “Fraksit!”, “Ursula, istəmirik” şüarları səsləndirirlər". Onu “Vətənpərvərlər” partiyası təşkil edib.
Xavier adlı etirazçılardan biri "Fransa suverenliyini itirdi. Artıq azad deyil. Biz AB ölkələrinin ABŞ tərəfindən idarə olunduğunu çox yaxşı görürük. Azadlığımız təhlükə altındadır" deyib.
O, həmçinin bildirib ki, Fransa bu münaqişəni alovlandırmaq üçün Ukraynaya silah verməməlidir, lakin danışıqlara başlamaq lazımdır. “Rusiya lazım olduğu kimi reaksiya verir – Donbass illərdir bombalanıb”, – Xavier əlavə edib.
Öz növbəsində Vətənpərvərlər Partiyasının rəhbəri Florian Filippo izah edib ki, NATO və ABŞ Avropanı dünya müharibəsində iştiraka sövq edir, ona görə də onun partiyası Fransanın Şimali Atlantika blokundan çıxmasının tərəfdarıdır.
Bu, “Vətənpərvərlər” partiyasının təşkil etdiyi sayca üçüncü “Sülh marşı”dır. Əvvəlki ikisi fevralda baş verib”, - RİA Novosti yazır.


Baxış sayı: 122


Bölməyə aid digər xəbərlər