Bütün xəbərlər
Zelenski: Rusiya sülh yox, qısamüddətli sükunət istəyir
Tarix: 19-11-2022 20:03 | Bölmə: Dünya

Danışıqlara hazır olmaqdan söz düşmüşkən, Rusiyanın əslində istədiyi sülh deyil, bərpa üçün hərbi əməliyyatlarda “qısamüddətli sükunət”dir.

Sabaha-inamla.az rus mətbuatına istinadən xəbər verir ki, bu fikri Ukrayna prezidenti Vladimir Zelenski Kanadada keçirilən beynəlxalq təhlükəsizlik forumunda onlayn çıxışı zamanı deyib.
Onun fikrincə, belə fasilə “müharibənin sonu” olmayacaq, vəziyyəti daha da gərginləşdirəcək.
Bundan əlavə, dövlət başçısı bildirib ki, Ukraynadan mümkün ərazi güzəştləri sülhə zəmanət vermir və “əxlaqsız” kompromislər yeni qurbanlara səbəb olacaq.
Həmçinin Zelenski yenə G20 sammitində olduğu kimi 10 bəndlik “sülh planı”nı açıqladı.
Rusiya dəfələrlə Ukrayna ilə ilkin şərt olmadan danışıqlara hazır olduğunu bəyan edib, lakin qeyd edib ki, Kiyev hakimiyyəti qanunvericilik səviyyəsində belə bir ehtimalı rədd edib.

Daha əvvəl Rusiya Federasiyası Prezidentinin mətbuat katibi Dmitri Peskov qeyd edib ki, Ukrayna ilə bağlı Qərb ölkələri ilə ünsiyyət Kiyevin danışıqlar prosesinə dair əhval-ruhiyyəsinə müsbət təsir göstərə bilər.


Baxış sayı: 82


Bölməyə aid digər xəbərlər