Bütün xəbərlər
Ağ Ev Şimali Koreyanın raket buraxılışını “həyasız pozuntu” adlandırıb
Tarix: 18-11-2022 10:38 | Bölmə: Dünya

Şimali Koreyanın cümə günü uzun mənzilli qitələrarası ballistik raket buraxması "BMT Təhlükəsizlik Şurasının çoxsaylı qətnamələrinin həyasızcasına pozulmasıdır".
Sabaha-inamla.az rus mətbuatına istinadən xəbər verir ki,bu barədə Vaşinqtonda bildirilib. Və qeyd edilib ki, Pxenyanın son hərəkətləri gərginliyin artmasına kömək edir və regionda sabitliyi pozmaq təhlükəsi yaradır.
Ağ Evin Milli Təhlükəsizlik Şurasının sözçüsü Adrienne Watson, "Birləşmiş Ştatlar Koreya Xalq Demokratik Respublikasını (KXDR) uzaqmənzilli ballistik raket sınağına görə qətiyyətlə pisləyir" deyib.
Vaşinqton digər ölkələri növbəti raket buraxılışını pisləməyə çağırıb, həmçinin Cənubi Koreya və Yaponiyanın təhlükəsizliyini təmin etmək üçün lazım olan hər şeyi edəcəyinə söz verib.
Cənubi Koreya ordusunun məlumatına görə, raket saat 10.15-də (Moskva vaxtı ilə 04.15) Pxenyan yaxınlığındakı Sunan aerodromunun ərazisindən Yapon dənizinə doğru atılıb və təxminən 1000 km uçaraq 6100 km yüksəkliyə çatıb. Sonra Yaponiyanın iqtisadi zonasına düşüb.
Yaponiya hökumətinin baş katibi Hirokazu Matsuno daha əvvəl bildirmişdi ki, raket daha şaquli trayektoriya üzrə buraxılıb, ona görə də uçuş məsafəsi kiçik olub. Əks halda 15 min kilometr uçaraq ABŞ-a çata bilərdi. Yaponiyanın baş naziri Fumio Kişida bildirib ki, Tokio Pxenyana sərt etiraz edib.


Baxış sayı: 68


Bölməyə aid digər xəbərlər