Bütün xəbərlər
Peskov Rusiyanın hansı Ukrayna hədəflərinə hücum etdiyini açıqlayıb
Tarix: 18-11-2022 01:21 | Bölmə: Dünya


Sabaha-inamla.az rus mətbuatına istinadən xəbər verir ki,Rusiya prezidentinin mətbuat katibi Dmitri Peskov mətbuat konfransında jurnalistlərə Ukraynanın infrastrukturuna hücumların xüsusi hərbi əməliyyatın məqsəd və vəzifələri ilə necə əlaqəli olduğunu izah edib.
“Söhbət birbaşa və ya dolayısı ilə Ukraynanın və Ukrayna rejiminin hərbi potensialı ilə bağlı olan infrastruktur obyektlərindən gedir”, - Kremlin mətbuat xidmətinin rəhbəri mediaya bildirib.
O, həmçinin qeyd edib ki, bütün bunlar Ukrayna tərəfinin “danışıqlara girmək və problemi həll etmək” istəməməsinin nəticəsidir.
Xatırladaq ki, Rusiya Silahlı Qüvvələri oktyabrın 10-da Ukraynanın kritik infrastrukturuna zərbələr endirməyə başlayıb. O vaxtdan bəri Ukraynanın müxtəlif vilayətlərində elektrik enerjisi və suyun fasilələrlə kəsilməsi tətbiq edilib və rabitədə fasilələr qeydə alınıb. Enerji obyektləri ilə yanaşı, müdafiə sənayesi, hərbi komandanlıq və rabitə ilə bağlı bina və tikililərə də zərbələr endirilir.



Baxış sayı: 82


Bölməyə aid digər xəbərlər