Bütün xəbərlər
İşçilərin su çəninin təmiri zamanı həlak olması ilə bağlı iş açılıb
Tarix: 02-07-2025 20:35 | Bölmə: Cəmiyyət

Qroznıda su çəninin təmiri zamanı müəssisədə iki fəhlənin ölümü ilə bağlı cinayət işi açılıb.

Sabaha-inamla.az rus mətbuatına istinadən xəbər verir ki, bu barədə Çeçenistan Respublikası üzrə İstintaq Komitəsi (İK) məlumat yayıb.
İşin Rusiya Federasiyası Cinayət Məcəlləsinin 217-ci maddəsinin 3-cü hissəsi (ehtiyatsızlıqdan iki və ya daha çox şəxsin ölümünə səbəb olan təhlükəli istehsal obyektləri üçün sənaye təhlükəsizliyi tələblərinin pozulması) ilə açıldığı bildirilir.
"İstintaqın məlumatına görə, sənaye müəssisəsinin ərazisində su çəninin qazla qaynaqla təmiri zamanı partlayış baş verib, nəticədə müəssisənin iki əməkdaşı aldıqları xəsarətlərdən ölüb", - İstintaq Komitəsinin məlumatında deyilir.
Hadisənin baş vermə səbəblərini və obyektdə təhlükəsizliyin təmin edilməsinə cavabdeh olan təqsirkar şəxslərin müəyyən edilməsi üçün bir sıra məhkəmə-tibbi ekspertizaları təyin edilib.



Baxış sayı: 32


Bölməyə aid digər xəbərlər