Bütün xəbərlər
Aİ və ABŞ Ermənistana milyonlar vəd edib
Tarix: 05-04-2024 15:04 | Bölmə: Siyasət


Avropa Komissiyası yaxın 4 il ərzində Ermənistana inkişaf qrantları şəklində 270 milyon avro ayırmaq niyyətindədir.

Sabaha-inamla.az rus mətbuatına istinadən xəbər verir ki, bu barədə Brüsseldə Ermənistanın baş naziri Nikol Paşinyan və ABŞ dövlət katibi Antoni Blinkenin də iştirak etdiyi mətbuat konfransında AK rəhbəri Ursula fon der Leyen bildirib.
Fon der Leyenin sözlərinə görə, Aİ Ermənistanın Aİ-nin Rusiyaya qarşı sanksiyalarından yayınmağa qarşı mübarizədəki səylərini yüksək qiymətləndirir. Öz növbəsində ABŞ Ermənistana yardımı 65 milyon dollardan çox artırmağı planlaşdırır ki, bu da iki il əvvəllə müqayisədə 50% çoxdur. ABŞ dövlət katibi Antoni Blinken bu vəsaitin ölkə hökumətinin və iqtisadiyyatının inkişafına yönəldiləcəyini vurğulayıb.
Rusiya prezidentinin mətbuat katibi Dmitri Peskov qeyd edib ki, erməni tərəfi Brüssel görüşündə transatlantik inteqrasiya mövzusunun mümkün müzakirəsi ilə bağlı hələlik heç bir açıqlama verməyib. "Biz bu görüşün tam gündəliyini hələ bilmirik, baxmayaraq ki, bununla bağlı müəyyən mesajlar var. Gözləyək", - Kreml nümayəndəsi bildirib.
Aprelin 5-də Brüsseldə Aİ, ABŞ və Ermənistan arasında məsləhətləşmələr keçirilir. Onların əsas mövzusu iqtisadi əməkdaşlığın genişləndirilməsidir.


Baxış sayı: 84


Bölməyə aid digər xəbərlər