Bütün xəbərlər
Volqoqradda kişini sözə görə döyən yeniyetmələr saxlanılıb
Tarix: 03-04-2024 13:29 | Bölmə: Siyasət

Volqoqradın hüquq-mühafizə orqanlarının əməkdaşları avtobus sərnişinini irad bildirdiyi üçün döyən yeniyetmələrin kimliyini müəyyən ediblər, 6 azyaşlı saxlanılıb, İstintaq Komitəsinin region üzrə İstintaq İdarəsi bildirib.
Sabaha-inamla.az rus mətbuatına istinadən xəbər verir ki, hadisə aprelin 1-i axşam saatlarında avtobusda baş verib. Səs-küylü davranışı ilə bağlı iraddan narazı qalan yeniyetmələr 37 yaşlı kişiyə hücum edərək, yumruq və təpiklərlə onu şiddətli şəkildə döyüblər.
Faktla bağlı xuliqanlıq maddəsi ilə cinayət işi açılıb. Hücum edənlərin şəxsiyyəti müəyyən edilib - onların Volqoqradın 15-19 yaş arası yeddi sakini olduğu üzə çıxıb. Davanın altı iştirakçısı saxlanılaraq dindirilib, digər 16 yaşlı şübhəli qaçıb və hazırda axtarışdadır.
Həmçinin istintaq zamanı məlum olub ki, 15, 16 və 17 yaşlı üç şübhəli şəxs aprelin 1-nə keçən gecə 33 yaşlı kişini yaşayış binasının həyətində döyərək pasportunu alıblar. Onlara qarşı daha bir xuliqanlıq və pasport oğurluğu ilə bağlı cinayət işi açılıb.
Yaxın vaxtlarda istintaq təqsirləndirilən şəxslərin həbsi ilə bağlı vəsatət vermək niyyətindədir.


Baxış sayı: 83


Bölməyə aid digər xəbərlər