Bütün xəbərlər
"Axios": Həmas-İsrail atəşkəs layihəsinə 10-da 1-i məhbus mübadiləsi daxildir
Tarix: 03-03-2024 21:10 | Bölmə: Siyasət

Qəzza zolağında Parisdə hazırlanmış atəşkəs təşəbbüsü girovların genişmiqyaslı mübadiləsini nəzərdə tutur.
Sabaha-inamla.az rus mətbuatına istinadən xəbər verir ki, müqavilə layihəsi atəşə altı həftə fasilə verilməsini nəzərdə tutur.
Atəşkəs sazişi layihəsinə əsasən, 40 israilli girov həbsdən azad edilmiş dörd yüz fələstinli ilə, o cümlədən israilliləri öldürməkdə təqsirli bilinən 15 məhbusla dəyişdiriləcək. "Axios" izah edir ki, HƏMAS buna cavab olaraq qadınları, əsir düşən qadın hərbçiləri, ağır xəstəlikləri olan insanları və 50 yaşdan yuxarı kişiləri azad edəcək. Hazırda HƏMAS-ın əsirliyində 134 girov qalır. HƏMAS daha əvvəl bildirmişdi ki, İsrailin zərbələri yeddi onlarla əsirin ölümünə səbəb olub.
ABŞ prezidenti Co Bayden israr edir ki, Ramazan ayı başlamazdan əvvəl atəşkəs və girov mübadiləsi sazişi bağlansın. Bu il müsəlmanların müqəddəs ayı martın 10-da gün batarkən başlayır və aprelin 9-u axşama qədər davam edəcək. Misirin xarici işlər naziri Samex Şukri deyir ki, barışıq əldə etmək üçün hələ vaxt var. Qahirə Paris və Dohada aparılan danışıqlarda vasitəçilərdən biridir. Diplomatik prosesdə digər iki vasitəçi ABŞ və Qətərdir.


Baxış sayı: 59


Bölməyə aid digər xəbərlər