22:59 / 15-04-2024
Məsciddə yanğın törədib
Bütün xəbərlər
Yeni Baş nazir kim olacaq? - Sabah iclasdır
Tarix: 15-02-2024 21:20 | Bölmə: Siyasət

                         yeni-bas-nazir-kim-olacaq



Milli Məclisdə Prezident İlham Əliyevin Baş nazirin təyinatı ilə bağlı təqdimatına baxılacaq.
Sabaha-inamla.az “Qafqazinfo”ya istinadən xəbər verir ki, bu, parlamentin sabahkı iclasında baş tutacaq.
Qeyd edək ki, ötən gün yenidən Azərbaycan Prezidenti seçilmiş İlham Əliyevin inauqurasiyasından sonra qanunvericiliyə uyğun olaraq Nazirlər Kabineti istefa verib.
Konstitusiyanın 118-ci maddəsinə görə, Baş naziri Milli Məclisin razılığı ilə Prezident təyin edir. Baş nazir vəzifəsinə namizədlik haqqında təklifi Prezident öz vəzifələrinin icrasına başladığı gündən bir ay və ya Nazirlər Kabinetinin istefa verdiyi gündən iki həftə müddətindən gec olmayaraq Milli Məclisinin müzakirəsinə təqdim edir. Milli Məclis Baş nazir vəzifəsinə namizədlik haqqında qərarı həmin namizədliyin təqdim edildiyi gündən bir həftədən gec olmayaraq qəbul edir. Göstərilən qayda pozularsa və ya Prezidentin təqdim etdiyi namizədlərin Baş nazir vəzifəsinə təyin olunmasına üç dəfə razılıq verilməzsə, Prezident Baş naziri Milli Məclisin razılığı olmadan təyin edə bilər.



Baxış sayı: 91


Bölməyə aid digər xəbərlər