Bütün xəbərlər
Putin: "Qəzza zolağında vəziyyət kritik həddi aşıb"
Tarix: 22-11-2023 15:46 | Bölmə: Siyasət

Rusiya prezidenti Vladimir Putin hökumət üzvləri ilə görüş keçirib və orada Yaxın Şərqdəki münaqişə zonasından rusların təxliyəsi problemi müzakirə olunub.
Sabaha-inamla.az rus mətbuatına istinadən xəbər verir ki, Vladimir Putinin qeyd etdiyinə görə, Qəzza zolağında vəziyyət çoxdan kritik həddi keçib. Artıq 900-ə yaxın insan təxliyə tələbi ilə Rusiya Federasiyasına müraciət edib ki, onlardan 639-u rus, 271-i isə digər dövlətlərin vətəndaşlığı olan qohumlarıdır.
"Biz Qəzza zolağında indiki hadisələrdən əziyyət çəkən insanlara kömək etməliyik, bu, bizim müqəddəs borcumuzdur", - prezident deyib.
Fövqəladə Hallar Nazirliyinin rəhbəri Aleksandr Kurenkov bildirib ki, kömək üçün müraciət edən 909 nəfərdən 570-i artıq münaqişə zonasını tərk edib. Eyni zamanda, digər dövlətlərin vətəndaşları Fövqəladə Hallar Nazirliyinin köməyi ilə təxliyə ilə bağlı Rusiya Federasiyasına kömək üçün müraciət etməyiblər.
Kurenkov əlavə edib ki, Qəzza zolağına 250 tona yaxın humanitar yardım göndərilib, növbəti reys cümə axşamı, noyabrın 23-nə planlaşdırılıb.


Baxış sayı: 68


Bölməyə aid digər xəbərlər
28-02-2024, 09:12 Yeni nazir kimdir? - Dosye
17-02-2024, 22:08 Kadırovun oğlu nazir oldu