Bütün xəbərlər
Türkiyədə səsvermə bülletenlərinin təxminən üçdə biri işlənib: Ərdoğan liderdir
Tarix: 14-05-2023 20:27 | Bölmə: Siyasət


Türkiyədə keçirilən ümumi seçkilərdə səsvermə zamanı verilən bülletenlərin 29,16 faizinin emalının nəticələrinə görə, respublikanın hazırkı prezidenti Rəcəb Tayyib Ərdoğan 53,92 faiz, onun əsas rəqibi Kamal Kılıçdaroğlu isə 40,12 faiz səs toplayır.

Sabaha-inamla.az rus mətbuatına istinadən xəbər verir ki, bu barədə Türkiyə mətbuatı məlumat yayıb. Hesablama davam edir.
Mayın 14-də Türkiyədə prezident və parlament seçkiləri keçirilib. Səsvermə başa çatdıqdan sonra seçki komissiyaları əvvəlcə vətəndaşların ölkənin ali dövlət vəzifəsinə namizədlərə verdiyi səsləri hesablayır. 64 milyon Türkiyə vətəndaşının səsvermə hüququ var.
Prezidentliyə Cümhuriyyət Alyansının vahid namizədi Ərdoğan və müxalifət Xalq Alyansının namizədi Kılıçdaroğlu ilə yanaşı, Ata ittifaqının namizədi Sinan Oğan da mübarizə aparır.
Dördüncü namizəd də var idi - Memleket partiyasının lideri Məhərrəm İncə. Seçkilərə 3 gün qalmış o, namizədliyini geri götürdüyünü elan etsə də, adı bülletenlərdə qalıb.
Namizədlərdən heç biri 50 faiz səs toplamasa, prezident seçkilərinin ikinci turu təyin ediləcək. Mayın 28-nə.




Baxış sayı: 189


Bölməyə aid digər xəbərlər