Bütün xəbərlər
Volodin qlobal fəlakətin reallığı barədə xəbərdarlıq etdi
Tarix: 22-01-2023 10:44 | Bölmə: Siyasət

Rusiya Federasiyası Dövlət Dumasının sədri Vyaçeslav Volodin “dəhşətli müharibə və indikindən tamamilə fərqli hərbi əməliyyatlar” ehtimalı barədə xəbərdarlıq edib.
Sabaha-inamla.az rus mətbuatına istinadən xəbər verir ki, spikerin sözlərinə görə, NATO Ukraynanı hücum silahları ilə təmin edərsə, onun köməyi ilə Rusiyanın dinc şəhərlərinə hücum ediləcəksə, Rusiya Federasiyası cavab olaraq “daha güclü silahlardan” istifadə edəcək.
Volodin ABŞ, Almaniya və Fransanın milli parlamentlərini bəşəriyyət qarşısında məsuliyyətlərini dərk etməyə və ölkələrini məhv edəcək qlobal fəlakətin qarşısını almağa çağırıb.
Bazar günü Telegram-da Volodin xatırladıb ki, indi Rusiya Silahlı Qüvvələri yalnız Ukraynanın hərbi və kritik infrastrukturuna hücum edir.
Dövlət Dumasının spikerinin sözlərinə görə, nüvə dövlətlərinin əvvəllər yerli münaqişələrdə kütləvi qırğın silahlarından istifadə etmədiyinə dair arqumentlər əsassızdır.
Volodin sözlərinə görə, əvvəllər bu dövlətlər öz vətəndaşlarının təhlükəsizliyinə və ərazi bütövlüyünə təhlükə olan vəziyyətlə üzləşməyiblər.


Baxış sayı: 149


Bölməyə aid digər xəbərlər