Bütün xəbərlər
Saakaşvilinin bədənində arsen tapılıb
Tarix: 28-11-2022 16:30 | Bölmə: Siyasət


Gürcüstanın keçmiş prezidenti Mixail Saakaşvilinin tibbi analizləri onun bədənində başqa zəhərli maddənin - arsenin izlərinin olduğunu göstərib. Sabaha-inamla.az rus mətbuatına istinadən xəbər verir ki,"Mtavari" telekanalının xəbərinə görə, bu barədə onun vəkili Şalva Xaçapuridze məlumat verib.
Bundan əlavə, vəkil uzun müddətdən sonra ilk dəfə olaraq eks-prezidentin bu gün, noyabrın 28-də baş tutacaq sərhədi qanunsuz keçmə işi üzrə məhkəmə iclasına çıxdığını açıqlayıb. Onun sözlərinə görə, müdafiə tərəfi görüşü pozmaq istəmir, lakin hərəkət etmək üçün Saakaşviliyə xüsusi kreslo lazım olacaq.
Bundan əvvəl “Empati” qeyri-hökumət təşkilatının rəhbəri Mariam Cişkarani və eks-prezidentin anası Giuli Alasania bəyan etmişdilər ki, Saakaşvilinin qanında siyasətçinin zəhərləmək istədiyi iddia edilən civə, barium və tallium izləri aşkarlanıb.
Gürcüstanın eks-prezidenti 2021-ci il oktyabrın 1-də Gürcüstanda saxlanılıb və bu ilin mayında uzun sürən aclıq aksiyasından sonra müalicə olunmaq üçün Tbilisidəki klinikaya köçürülüb. Əvvəllər o, iki cinayət işi üzrə qiyabi mühakimə olunub, ümumilikdə 9 il müddətinə azadlıqdan məhrum edilib.


Baxış sayı: 86


Bölməyə aid digər xəbərlər