Azərbaycan dövlətinin bütün sahələr üzrə həyata keçirdiyi düzgün siyasətin nəticəsi göz qabağındadır-Şahin İsmayılov
Tarix: 20-07-2022 01:12 | Bölmə: Siyasət


Azərbaycan xalqı dövlət tərəfindən görülən işləri diqqətlə izləyir və təqdir edir. Prezident İlham Əliyevin sədrliyi ilə iyulun 15-də keçirilən, bu ilin altı ayının yekunlarına həsr olunan müşavirədə cəmiyyətin diqqətini cəlb edən bir çox məsələlər ehtiva edildi. Müşavirənin mövzusuna nəzər yetirdikdə nəticə, planlar və tapşırıqlar aydın şəkildə görünür. Azərbaycan dövlətinin bütün sahələr üzrə həyata keçirdiyi düzgün siyasətin nəticəsi göz qabağındadır. Bütün bu müvəffəqiyyətlərin davamlı olması üçün planlı şəkildə iş görülür və ölkə başçısı tərəfindən bununla bağlı ciddi tapşırıqlar verilib.
Ölkə rəhbərinin çıxışında toxunduğu məsələlərə görə bir neçə əsas nüansı qeyd edə bilərik. O, davamlı inkişaf, beynəlxalq nüfuz, Avropa İttifaqı-Azərbaycan əlaqələrinin inkişafı, qonşu ölkələrlə əlaqələr, Amerika-Azərbaycan əlaqələri, Sülh müqaviləsi, Minsk qrupunun fəaliyyətsizliyi, sosial siyasət, Qarabağ və Zəngəzurda görülən işlər, iqtisadi inkişaf, ölkənin enerji imkanları, ərzaq təhlükəsizliyi məsələləri, dövlət-özəl sektor tərəfdaşlığı, kadr hazırlığı, investisiya mühiti, kölgə iqtisadiyyatı ilə mübarizədən bəhs edərək hökümətin qarşısında duran məsələləri vurğuladı. Sadalanan bütün istiqamətlər üzrə effektiv aş aparılmasının şahidiyik.
Əldə olunan nəticələr böyük peşəkarlıq tələb edir. Burada islahatlar prosesinin də xüsusi rolu var. Ölkə başçısı tərəfindən müəyyən edilən meyarlar, qarşıya qoyulan vəzifələrin hər biri böyük məsuliyyət yaradır. Cənab Prezidentin dövlətimizin inkişafı üçün görüləcək işlərlə bağlı verdiyi tapşırıqların əsasında vətəndaşların sosial rifahı dayanır. Böyük qayıdış, beynəlxalq müstəvidə görülən işlərlə yanaşı sosial siyasətin xüsusilə diqqətdə saxlanması buna nümunədir.
2022-ci ilin birinci yarımilliyində görülən işlər və əldə olunan nəticələr onu göstərir ki, əhəmiyyətli uğurlara imza atılmış və davamlı inkişaf üçün strategiya müəyyən olunmuşdur. Regionda və dünyada yaranmış mürəkkəb şəraitdən asılı olmayaraq Azərbaycan dövləti inkişaf tempini saxlayır və durmadan inkişaf edir.

Şahin İsmayılov,

Milli Məclisin deputatı, YAP İdarə Heyətinin üzvü



Baxış sayı: 74


Bölməyə aid digər xəbərlər
23-07-2022, 14:57 DSX-də yeni təyinat