Xocalı soyqırımı yalnız azərbaycanlıların faciəsi deyil. Bu cinayət, insanlıq üçün qara ləkədir və tarixin gördüyü ən dəhşətli hadisədir.
AZƏRTAC xəbər verir ki, bu sözləri Türkiyənin Gürcüstandakı səfirinin müavini Onur Sevim Tbilisidə “Xocalıya ədalət” adlı sərginin açılışında söyləyib.
Diplomat deyib ki, Xocalı faciəsi təkcə Azərbaycan xalqının deyil, Türkiyənin də ürəyində yaradır. Türkiyə hər zaman olduğu kimi, yenə də qardaş Azərbaycan xalqının yanındadır. Biz həm sevincli, həm də kədərli günlərimizdə bir yerdəyik.
Onun sözlərinə görə, ermənilər öz havadarlarının köməyi ilə Xocalı faciəsini törətməklə Azərbaycan xalqının mübarizə əzmini qırmağa çalışıb. Lakin heç kim bu əzmi qıra bilməyib və heç zaman buna nail ola bilməyəcək. “Biz bunu 44 günlük Vətən müharibəsində bir daha gördük. Azərbaycan xalqı öz torpaqlarını işğaldan azad edərək tarixi ədaləti bərpa edib.
Türkiyə hər zaman Azərbaycanla birgə olub, bundan sonra da “Bir millət, iki dövlət" şüarına sadiq qalaraq azərbaycanlı qardaşlarının yanında olmağa davam edəcək”, – deyə Onur Sevim vurğulayıb.