Könül Süleymanova: "Bu Qələbə bizim dövlətçiliyimizin və Milli birliyimizin qələbəsi oldu”
Tarix: 05-11-2021 13:45 | Bölmə: Siyasət


Otuz il torpaqlarımız düşmən tapdağı altında qaldı.Bu illər ərzində başımıza gələn müsibətlər istər o hadisələrin canlı şahidi olan, istərsədə o hadisləri düşünən insanların qəlbindən heç vaxt silinməyəcək. Şükürlər olsun ki, o əzablı, ağrılı, acılı, işgəncəli günlər artıq arxada qaldı. Prezidentimiz torpaqlarımızın sülh yolu ilə alınması üçün uzun illər çalışdı, əlindən gələni etdi. Beynəlxalq təşkilatlar da bu hadisələrə, proseslərə göz yumdu, dolayısı yolla Ermənistanı dəstəklədi. Ermənistan cənab Prezidentimiz İlham Əliyevin sülh çağrışına son iki ildə məhəl qoymadı, danışıqlar prosesini məqsədyönlü şəkildə məhv etdi. Ermənistanın Baş naziri “Qarabağ Ermənistandır” kimi bir sıra təxribatçı bəyanatları ilə danışıqlara son qoydu və Ermənistanın müdafiə naziri “yeni ərazilər uğrunda yeni müharibə”yə çağırış etdi”. Cari ilin iyul ayında Ermənistan regionda yeni gərginlik mənbəyi yaratmaq, yeni əraziləri işğal etmək və Azərbaycanın strateji enerji infrastruktur layihələrinə zərbə vurmaq məqsədilə dövlət sərhədində hərbi təxribat törədib. Daha sonra, avqust ayında Ermənistanın diversiya qrupu təmas xəttini keçməyə cəhd etdi. Sentyabrın 24-də hörmətli İlham Əliyev cənabları BMT Baş Assambleyasının ümumi müzakirələri çərçivəsində çıxışı zamanı Ermənistanın yeni müharibəyə hazırlaşması ilə bağlı xəbərdarlıq etdi. Sentyabrın 27-də Ermənistan Azərbaycana qarşı irimiqyaslı hərbi təxribata başladı. Azərbaycanın döyüş bölgəsinə yaxın ərazilərdə yerləşən Tərtər və digər şəhərləri 44 gün ərzində Ermənistan silahlı qüvvələri tərəfindən ağır artilleriya atəşinə məruz qaldı”, Azərbaycan Prezidenti 44günlük müharibənin başlaması ilə bağlı bir daha açıqlama verdi. O, Ermənistanın döyüş bölgəsindən uzaqda yerləşən Gəncə, Bərdə, Mingəçevir, Qəbələ, Siyəzən və digər şəhərlərə qarşı ballistik raketlərdən istifadə etdiyini BMT BA-nın iclasının iştirakçılarının nəzərinə çatdırdı. Azərbaycanın bu müharibədə verdiyi mülki itkilərdən bəhs edən İlham Əliyev dedi ki, “nəticədə 11 nəfəri uşaq olmaqla, 94 mülki şəxs qətlə yetirilmiş, 400-dən artıq insan yaralanıb”. “Azərbaycan Ordusu bunun layiqli cavabını verib, ölkə vətəndaşlarını və ərazisini müdafiə edərək uğurlu əks-hücum əməliyyatı başlamış və işğal olunmuş ərazilərin böyük bir hissəsini azad etdi. Hərbi əməliyyatlar zamanı qazanılmış Qələbə işğalçını təslim olmağa məcbur etdi. Azərbaycan və Rusiya prezidentləri və Ermənistanın Baş naziri tərəfindən noyabrın 10-da üçtərəfli Bəyanatın imzalanması nəticəsində Azərbaycanın işğal altında olan digər əraziləri də azad edildi”. “Atəşkəsə Nəzarət üzrə Birgə Monitorinq Mərkəzi vasitəsilə Türkiyə və Rusiya atəşkəsin təmin edilməsi işində vacib rol oynayır. Beləliklə, Ermənistan-Azərbaycan Dağlıq Qarabağ münaqişəsi hərbi-siyasi yollarla həll edilib. Beynəlxalq hüquqa məhəl qoyulmadığı üçün BMT Təhlükəsizlik Şurasının qətnamələrinin güc yolu ilə icrası qaçılmaz idi. Nəticədə təcavüzkar dövlət sülhə məcbur edildi”, Azərbaycan Prezidenti dedi. Xalqın Prezident ətrafında dəmir yumruq kimi birləşməsi, Prezidentimizin qətiyyətli addımı, uzaqgörən siyasəti, yüksək səviyyədə hazırlıqlı, güclü ordumuzun olması Zəfərə aparan yoldan xəbər verirdi. Prezidentin bir çağrışına minlərlə oğullar gələrək torpaqlarımızın azadlığı uğrunda döyüşmək üçün adlarını yaşadıqları ərazi üzrə Səfərbərlik və Hərbi Xidmətə Çağırış üzrə Dövlət Xidmətinə yazdırdılar.Və canlarını bu yolda qurban verməyə hazır olduqlarını dedilər. Onların bu addımı, cəsarəti, qorxmazlığı, hünəri həqiqətən də Zəfərə aparan yoldan xəbər verirdi.Vahid komandanlıq altında döyüşə atılan əsgərlərimiz rəşadətli döyüşləri ilə tarix yazdılar. 30 illik istehkam quran, gizli döyüşə hazılaşan düşmən çaşıb qalmışdı, silahlarını atıb qaçmağa məcbur olurdu. Müasir silahlarla silahlanmış ordumuz ölümdən qorxmurdu, ancaq qələbə barədə düşünürdü. Yüksək taktikaya, döyüş qabiliyyətinə malik olan zabitlərinizdə əsgərlərimizin yanında idi, onlarla birgə irəlləyirdi. Təbii ki, onlar Prezidentimizə, xalqımıza, öz güclərinə tam arxayın idi. Onda Zəfərə aparan yol birazda yaxınlaşırdı. Müzəffər əsgərlərimizin, fatehlərimizin Şuşanı fəth etməsi xalqımızı hamılıqla sevindirdi. Bu alınmaz Şuşa qalası bizim düşmən üzərində qələbəmizə əsas verirdi. Həqiqətən də yanılmadıq. Çox keçmədi düşmən məğlub olduğunu etiraf etdi. O, kapitulyasiyaya imza atdı. Həmin an qələbə sevincini yaşadıq. 30 illik işğala son qoyuldu. İstər düşmən istərsədə bütün dünya dövlətləri Azərbaycan xalqının, Azərbaycan ordusunun nəyə qadir olduğunu gördü. 8 noyabr Azərbaycanda Zəfər günüdür. Bu münasibətlə də Zəfər paradı keçirdik. Və bir daha dünya Azadlıq meydanında bizim ordumuzu, texnikamızı, əldə etdiyimiz qənimətləri gördü.
Ən əsası odur ki, işğaldan azad olunmuş torpaqlarımızda Azərbaycan bayrağı dalğalanır, abadlıq və quruculuq işləri gedir. Çox keçməz ki, 30 il yurdundan-yuvasından didərgin düşmüş insanlar öz dədə-baba yurdlarına qayıdarlar. Bu qələbəni öz evlərində də qeyd edərlər, o sevinci orda yaşayarlar. Ali Baş Komandanımız ,Birinci vitse prezident Mehriban Əliyeva, rəşadətli ordumuz sağ olsun, var olsun ! Allah hər zaman onları qorusun. Bütün Gəncəlilər adından onları Qələbə, bayramı münasibətilə səmimi qəlbdən təbrik edir, gələcək işlərində uğurlar arzulayıram. Allah şəhidlərimizə rəhmət eləsin, məqamları yüksək,ruhları şad olsun! Qazilərinizə də can sağlığı versin!

Könül Süleymanova,

Gəncə şəhər 7 nömrəli tam orta məktəbin
tərbiyə işləri üzrə direktor müavini







Baxış sayı: 303


Bölməyə aid digər xəbərlər