18:57 / 26-11-2021
Əvəz Həsənov vəfat etdi
Böyük zəfər yürüşü başlanan günün fərqli özəllikləri-Hikmət XƏLİLOV
Tarix: 28-09-2021 16:09 | Bölmə: Siyasət


Sentyabrın 27-də qalib Azərbaycanda müqəddəs Vətən müharibəsinin, işğalçı Ermənistanda isə Qarabağa sahiblənmək iddialarının məhv olmağa başlanmasının birinci ildönümü qeyd edildi.
Azərbaycan əzəli torpaqlarının azad edilməsi üzrə uğurlu əks-hücum əməliyyatlarının sevincini yaşayır, bu yolda şəhidlik zirvəsinə ucalmış qəhrəman oğullarının ruhuna ehtiramını qədirbilənliklə ifadə edir. Ermənistan isə Qarabağ məğlubiyyətinin acılarını dadır. Elə ölkə rəhbərlərinin öz xalqlarına müraciətlərinin mətnlərində də bu tərs-mütənasib duyğular öz əksini tapmışdır.
Azərbaycan Prezidenti, Silahlı Qüvvələrimizin müzəffər Ali Bqş Komandanı İlham Əliyev: “İkinci Qarabağ müharibəsi bizim şanlı tariximizdir.Bu qələbə tarixdə əbədi qalacaq… Biz milli ləyaqətimizi bərpa etdik. Biz bundan sonra da müzəffər xalq və qalib dövlət kimi əbədi yaşayacağıq“ – Bu, qalibiyyətin, sarsılmazlığın və qətiyyətin ifadəsidir.
Ermənistan prezidenti Armen Sarkisyan: “Bir il əvvəl bu gün ölkəmizin ən yeni tarixində ən dəhşətli müharibə başlanıb. Bu gün bizim minlərlə həlak olmuş və yaralananlardan başqa, əsir və itkin düşmüş oğullarımız var. Yaranmış vəziyyətdən çıxmaq üçün kiçik addımlarla da olsa, irəliyə hərəkət etməliyik…” – Bu isə məğlubiyyət, məhrumiyyət, ümidsizlik və mağm unluğun ifadəsidir.
Ölkəmizdə İkinci Qarabağ müharibəsi şəhidlərinin Anım günü böyük qədirbilənliklə keçirildi. Cənab İlham Əliyev xalqa müraciətində bildirdi: “İkinci Qarabağ müharibəsində həlak olmuş qəhrəman şəhidlərimizin əziz xatirəsi qarşısında bu gün bir daha baş əyir, onlara Allahdan rəhmət diləyirik. Biz şəhidlərimizi öz qəlbimizdə əbədi saxlayacağıq”. Çünki məhz şəhidlərimizin sayəsində Azərbaycan ədaləti və beynəlxalq hüququ bərpa edib. 44 gün ərzində 300-dən çox şəhər və kənd döyüş meydanında, yüzlərlə şəhər və kəndin isə üçtərəfli bəyanatla işğaldan azad edib. Bunun da nəticəsində Dağlıq Qarabağ münaqişəsinin "tarixdə qalıb" və artıq inzibati ərazi kimi yoxdur. "Azərbaycanda "Dağlıq Qarabağ" adlı inzibati ərazi mövcud deyil və əgər kimsə "Dağlıq Qarabağ" adlı ölünü diriltmək istəyirsə, onu öz ərazisində diriltsin, öz ərazisində "Dağlıq Qarabağ" adlı qurum yaratsın, respublika yaratsın, cəmiyyət yaratsın. Biz də onu tanıyarıq, ancaq Azərbaycanda yox! Bu məsələ öz həllini tapdı"
Sentyabrın 27-də Azərbaycan Prezidenti İlham Əliyev və Birinci xanım Mehriban Əliyeva şəhidlərimizin xatirəsinə həsr olunan möhtəşəm yürüşdə iştirak ediblər. Necə də məğrur yeriyirdilər! Həmin gün dövlətimizin başçısı Vətən Müharibəsi Memorial Kompleksi və Zəfər Muzeyinin təməlini qoyub.
Yerevanda isə Ermənistan Baş naziri Nikol Paşinyan beli bükülmüş halda, dinməz-söyləməz "Yerablur" hərbi panteona baş çəkib, 44 günlük Qarabağ müharibəsində həlak olanların məzarlarına gül qoyub, onların xatirəsini yad edib. Deməyə sözü yox idi...
Nəhayət, qeyd edək ki, ötən müharibədə müzəffər Azərbaycan Ordusu və öz vədlərinə sadiq qalan müzəffər Ali Baş Komandanımız dünyaya sözlərini mərdi-mərdanə dedilər. Bu, milli iradə, milli ruh və milli ləyaqət təntənəsi oldu. Faşist Ermənistanı üçünsə xülyaların məhvi, Ordunun belinin qırılması və acınacaqlı məğlubiyyət savaşı oldu.
Yaşasın Azərbaycan!

Hikmət XƏLİLOV,
Azərbaycan Silahlı Qüvvələrinin ehtiyatda olan zabiti, Masallı rayon sakini


Baxış sayı: 78


Bölməyə aid digər xəbərlər