Bütün xəbərlər
Əsgərləri şəhid komandirlərinə ehsan veriblər-VİDEO+FOTOLAR
Tarix: 04-12-2022 22:36 | Bölmə: Müsahibə


Saray qəsəbəsində şəhidli zirvəsinə ucalmış baş leyetenant Hüseyn Nəcəfzadəni əsgərləri yad ediblər.
Onlar şəhidin şərəfinə onun yaşadığı evinin qarşıısnda ehsan süfrəsi veriblər.
Qeyd edək ki,şəhidimiizn toyu olacaqmış.Artıq toy günü də təyin olunmuşdu.Lakin o,şəhid oldu.

                      
                      
Mərasimdə şəhidin yaxınları, əzizləri,ictimayyət nümayəndələri iştirak ediblər.
Tədbirin təşkilatçısı baş gizir Azər Qənbərov söhbət zamanı belə deyib: "Mən Hüseynin starşinası olmuşam. Biz ehsan veririk ki, onun yeri cənnət olsun,ruhu şad olsun.Bu atası,anası üçün bir təsəlli olsun. Hüseyn ürəkli,cəsur komandir idi. Biz daim onun qəbrini əsgər yoldaşlarımızla bir yerdə bir yerdə ziyarət edəcəyik. Həmişə onun ailəsinə baş çəkəcəyik. Hüseyn üçün çox darıxırıq".


             

             

Hüseyn Abbasqulu oğlu Nəcəfzadə 11 oktyabr 1997-ci ildə Abşeron rayonunun Saray qəsəbəsində Abbasqulu Nəcəfovun və Könül Nəcəfovanın ailəsində anadan olmuşdur. 2015-ci ildə orta təhsilini başa vurduqdan sonra Heydər Əliyev adına Azərbaycan Ali Hərbi Məktəbinə qəbul olmuşdur. 2019-ci ildə ali hərbi təhsilini başa vurmuşdur. 2022-ci ildən Atlas Nəcəfzadə ilə rəsmi nigahda idi.

             
Azərbaycan Ordusunun leytenantı olan Hüseyn Nəcəfzadə 2020-ci il sentyabrın 27- dən Azərbaycan Silahlı Qüvvələri tərəfindən Ermənistan 

işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Suqovuşanın azadlığı uğrunda gedən döyüşlərdə vuruşmuşdur.
Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Hüseyn Nəcəfzadə "Suqovuşanın azad olunmasına görə" medalı ilə təltif edildi.
Hüseyn Nəcəfzadə müharibə başa çatdıqdan sonra "baş leytenant" rütbəsi almış, Quru Qoşunlarının "Komando" Briqadasının tərkibinə daxil olmuş və hərbi xidmətini bu briqadada davam etdirmişdir.
2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Quru Qoşunlarının "Komando" briqadasının hərbçisi kimi iştirak edən Hüseyn Nəcəfzadə 16 sentyabr 2022-ci ildə Kəlbəcər rayonu istiqamətində döyüş tapşırığını yerinə yetirərkən şəhid olmuşdur. Həmin ilin 17 sentyabr tarixində nəşi doğulduğu Abşeron rayonunun Saray qəsəbəsində yerləşən Şəhidlər Xiyabanında dəfn edilmişdir. Vida mərasimində rayon rəhbərliyi, Hüseyn Nəcəfzadənin ailə üzvləri, yaxınları, döyüş yoldaşları və ictimaiyyət nümayəndələri iştirak etmişdir.
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Hüseyn Nəcəfzadə Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif edilmişdir.


Namiq MƏMMƏDLİ
Sabaha-inamla.az
Baş redaktor Namiq MƏMMƏDLİ






Baxış sayı: 676


Bölməyə aid digər xəbərlər