Bütün xəbərlər
İbrahim Kalın: “Qarabağ müharibəsinə qarşı biganə qalmamız mümkünsüzdür”
Tarix: 06-01-2022 00:42 | Bölmə: Müsahibə

İbrahim Kalın



“Türkiyə sülh, təhlükəsizlik, sabitlik və rifah anlayışlarına geniş perspektivdən baxmalıdır.
APA-nın yerli bürosunun xəbərinə görə, bunu Türkiyə prezidentinin köməkçisi İbrahim Kalın “Kriter” jurnalına müsahibəsində bildirib.
“Körfəz böhranından Liviyaya, Qarabağ müharibəsindən Şərqi Aralıq dənizinə qədər bizi xüsusilə narahat edən regional hadisələrə qarşı biganə qalmamızdan söhbət gedə bilməz. Əgər vaxtında tədbir görməsəniz, göz yummağa çalışsanız belə, bu problemlər qapınıza gələcək, amma bu dəfə hazırlıqsız olacaqsınız. Buna görə də Türkiyə 2022-ci və 2023-cü illərdə qabaqlayıcı xarici siyasət imkanlarını artıraraq regional və qlobal müttəfiqliklərini gücləndirməyə davam edəcək”, deyə Kalın vurğulayıb.
O, həmçinin qeyd edib ki, Suriya mövzusunda ABŞ, Rusiya və İran kimi ölkələrlə Türkiyənin ciddi fikir ayrılığı var, lakin Türkiyə həm Cenevrə, həm də Astana platformaları vasitəsilə qlobal əməkdaşlığın zəruri olduğunu hesab edir.


Baxış sayı: 420


Bölməyə aid digər xəbərlər