Bütün xəbərlər
"Reuters": Bayden və Makron Rusiya aktivlərindən əldə edilən gəlirin istifadəsi barədə razılığa gəliblər
Tarix: 09-06-2024 22:55 | Bölmə: Manşet

ABŞ və Fransa prezidentləri Cozef Bayden və Emmanuel Makron Rusiyanın dondurulmuş aktivlərindən əldə edilən gəlirlərin Ukraynaya köçürülməsi məsələsində konsensusa gələ biliblər.
Sabaha-inamla.az rus mətbuatına istinadən xəbər verir ki, bu barədə “Reuters” Ağ Ev rəhbərinin bəyanatına istinadən məlumat yayıb.
Mətndə deyilir: “Co Bayden, Rusiyanın dondurulmuş aktivlərindən əldə edilən gəlirdən Ukraynaya kömək etmək üçün Emmanuel Makronla razılığa gəldiyini söylədi.
Bundan əvvəl "Bloomberg" yazıb ki, Almaniya ABŞ-ın Rusiyanın Qərbdə dondurulmuş aktivlərindən əldə edilən gəlirlərin Kiyev rejiminə kömək üçün istifadə etmək planını dəstəkləyəcək.
Britaniyanın xarici işlər naziri Devid Kemeron Rusiyanın dondurulmuş aktivlərinin Kiyevin xeyrinə müsadirə oluna biləcəyini bildirib. Onun sözlərinə görə, bu imkana ABŞ, Almaniya, Yaponiya, Böyük Britaniya, Fransa, İtaliya və Kanadanın daxil olduğu G7 dövlətləri icazə verir.
Rusiya Xarici İşlər Nazirliyinin sözçüsü Mariya Zaxarova cavab verib ki, Rusiya dondurulmuş aktivləri müqabilində yeni regionları verməyəcək.


Baxış sayı: 109


Bölməyə aid digər xəbərlər