Müharibənin kilid nöqtəsi - Hadrut belə azad edilib + Video
Tarix: 09-10-2021 22:35 | Bölmə: Manşet

                    Müharibənin kilid nöqtəsi



Xəbər verdiyimiz kimi, bu gün Xocavənd rayonunun Hadrut qəsəbəsinin erməni işğalından azad edilməsindən 1 il ötür.
“Qafqazinfo”nun əməkdaşları qələbənin ilk yubileyi münasibətilə Müdafiə Nazirliyinin təşkil etdiyi mediaturda iştirak edib.
Hadrutu işğaldan azad edən qoşun növləri də Hadruta səfər edib. Ordunun Xüsusi Təyinatlatlı Qüvvələrinin üzvləri, Quru Qoşunlarının piyada heyəti, artilleriyaçılar, tankçılar mediaturda iştirak edərək bir il öncə yaşadıqları xatirələri yenidən yada salıblar.
XTQ üzvləri dağlardan, meşələrdən sızaraq Hadruta daxil olub düşmən silahlı qüvvələrini məhv etmələrindən qürurla danışıblar. 
Ekspert Azər Bayramov bildirib ki, Hadrut döyüşləri Vətən Müharibəsinin ən çətin qələblərindən biri olub: “Azərbaycan Silahlı Qüvvələri dərinlikdə fəaliyyətin aparılması, düşmənin arxasında döyüş taktikasını tətbiq edərək Hadrutu düşməndən azad etdi. Bundan sonra ermənilərin Füzuli istiqamətindən gələn əsas təminat yollarına hakim olmağıza zəmin yaratdı. Hadrutun erməni işğalından azad edilməsi düşmən üçün böyük psixoloji sarsıntı oldu və düşmənin döyüş əzmi qırıldı. Hadrutun işğaldan azad edilməsi Vətən Müharibəsinin gedişatında dönüş nöqtəsi oldu və Qarabağa açar rolunu oynadı”.
Bu gün artıq Hadrut qəsəbəsində Azərbaycan dövlət qurumlarının bir çoxunun şöbələri fəaliyyət göstərir. Hərbi qüvvələrimizin üzvləri ilə yanaşı mülki işçilər də gündəlik həyatlarına davam edirlər.

                         






Baxış sayı: 58


Bölməyə aid digər xəbərlər