“İranın bu siyasəti iflasa uğrayacaq”
Tarix: 05-10-2021 19:45 | Bölmə: Manşet

                   “İranın bu siyasəti iflasa uğrayacaq”


“İranın Ermənistana bu qədər dəstək verməsi öz ölkəsinin maraqları ilə bağlıdır. Onlar öz maraqlarını Ermənistanla əməkdaşlıqda görürlər”.
Bunu “Qafqazinfo”ya açıqlamasında Böyük Quruluş Partiyasının sədri, deputat Fazil Mustafa son günlər İranın Azərbaycanın maraqlarına zidd olaraq müxtəlif fəaliyyətlər göstərməsi məsələsinə münasibət bildirərkən deyib. O bildirib ki, buna həm də İranın bütövlükdə rejim yanaşması kimi baxılmalıdır: "Çünki bu rejim bilavasitə Azərbaycan cəmiyyətinin, orada yaşayan azərbaycanlıların marağına uyğun deyil. Buna görə də onların bu siyasəti iflasa uğrayacaq.
İran daha çox Amerikanın onlara qarşı siyasətinin yüngülləşməsini istəyir. Bu məqsədlə də erməni lobbisinin dəstəyini qazanmaq üçün İran Ermənistanla bu cür əməkdaşlıq edir. Məncə, bu cür siyasətin perspektivi yoxdur. İki lokal və bölgədə barışı istəməyən bu iki dövlət özləri üçün problem yaradacaqlar. Əslində kommunikasiya xətlərinin açılması onların birinci növbədə xeyrinədir.
Bu vəziyyətdə Azərbaycan da öz qətiyyətli mövqeyini ortalığa qoyur. Ermənistanın yumruqla başını əzir, İranın da özünün birmənalı sərt siyasətini ortaya qoyur ki, bölgədə qarışdırıcılıq siyasətini tətbiq edə bilməsin. Ona görə də bundan narahat olmağa dəyməz. Biz bu siyasəti davam etməliyik. Bizimlə hədə dilində danışanları da yerində oturtmalıyıq”.
Deputat qeyd edib ki, İranın Azərbaycan sərhədində keçirdiyi təlimlər bizə elə də təhlükə yaratmır: “Özü üçün təlimlər keçirir. Biz ona qalsa, ondan böyük maştabda təlimlər keçiririk. Bizi nəylə qorxudurlar?! Lazım olsa, Azərbaycan Türkiyə və Pakistanla bir yerdə daha möhtəşəm təlimlər keçirər. Onun da səs-küyü Təbrizdən də o yana başqa formada səs-küy yaradar. Bu təlimlərdə əsas bizim ölkəmizə hər hansı təhdidlər olarsa, onun cavabını verəcəyik”.


Baxış sayı: 44


Bölməyə aid digər xəbərlər