09:10 / 18-07-2024
Bayden koronavirusa yoluxub
Bütün xəbərlər
Kiyevdə Rusiya ilə bağlı daha 53 abidənin sökülməsinə qərar verilib
Tarix: 05-07-2024 20:19 | Bölmə: Karusel

Kiyev Şəhər Şurası ictimai məkandan çıxarılmalı olanlar siyahısına Rusiya Federasiyasının mədəniyyəti və ya tarixi ilə bağlı daha 53 memorial obyekt əlavə edib.
Sabaha-inamla.az rus mətbuatına istinadən xəbər verir ki, Kiyev şəhər administrasiyasının saytında yerləşdirilən mesajda abidələr “sovet və rus təbliğat hekayələrini əks etdirən” kimi müəyyən edilib.
Kiyev Şəhər Administrasiyasının sədr müavini Anna Starostenko bildirib ki, alim İvan Pavlovun abidələri və Vladimir Leninin abidəsinin sökülməsindən sonra qalan barelyef də daxil olmaqla 30 obyekt tamamilə söküləcək.
Starostenkonun sözlərinə görə, qalan 23 abidə və xatirə nişanı "yenidən nəzərdən keçiriləcək" - ayrı-ayrı hissələr çıxarılacaq və yazılar dəyişdiriləcək. Bu, məsələn, Böyük Vətən Müharibəsi zamanı həlak olmuş Kiyev İncəsənət İnstitutunun müəllim və tələbələrinin xatirəsinə ucaldılmış abidə ilə baş verəcək. “Böyük Vətən Müharibəsi” sözləri “İkinci Dünya Müharibəsi” ilə əvəz olunacaq, tarixlər də dəyişdiriləcək - “1941-1945” əvəzinə “1939-1945” yazısı görünəcək.
Ukrayna hakimiyyəti Rusiya Federasiyası ilə tarixi əlaqələri aradan qaldırmaq üçün fəal tədbirlər görür - bütün ölkə ərazisində abidələri sökür və Rusiya xadimlərinin adını daşıyan küçələrin adını dəyişdirir. Belə ki, 2023-cü ilin aprelində Ukrayna prezidenti Vladimir Zelenski Rusiya Federasiyası ilə əlaqəli coğrafi obyektlərə, onun görməli yerlərinə və ya tarixindəki hadisələrə adların verilməsini qadağan edən “dekolonizasiya” qanunu qəbul edib.


Baxış sayı: 116


Bölməyə aid digər xəbərlər