Bütün xəbərlər
BRİKS ölkələri Fələstinə BMT-yə üzv statusunun verilməsini müdafiə ediblər
Tarix: 10-06-2024 21:08 | Bölmə: Karusel

BRİCS ölkələrinin xarici işlər nazirləri Fələstinin BMT-yə tam üzvlüyünü dəstəkləyərək, iki dövlətli həllə sadiq qalmağa davam etmək niyyətlərini təsdiqləyiblər.
Sabaha-inamla.az rus mətbuatına istinadən xəbər verir ki, Nijni Novqorodda BRİKS qrupuna daxil olan ölkələrin xarici işlər orqanları rəhbərlərinin görüşü keçirilib. Blokun əsas diplomatlarının müzakirə etdiyi ən mühüm məsələlərdən biri Fələstin-İsrail münaqişəsi olub. Danışıqlardan sonra verilən birgə bəyanatda beynəlxalq hüquqa və Ərəb Sülh Təşəbbüsünün müddəalarına sadiqlik göstərilir.
BRİKS ölkələrinin xarici işlər nazirlərinin bəyanatında qeyd olunur ki, 1967-ci ilin beynəlxalq səviyyədə tanınmış sərhədləri daxilində suveren, müstəqil və yaşaya bilən Fələstin Dövləti yaradılmalı və paytaxtı Şərqi Qüds olmalıdır.
Bundan əlavə, Nijni Novqorodda keçirilən iclasın iştirakçıları BMT-nin, o cümlədən Təhlükəsizlik Şurasının hərtərəfli islahatlarına dəstək ifadə ediblər. İslahatın məqsədi BMT Təhlükəsizlik Şurasını daha demokratik, nümayəndəli, səmərəli və effektiv etmək, həmçinin inkişaf etməkdə olan ölkələrin təmsilçiliyini artırmaqdır.


Baxış sayı: 84


Bölməyə aid digər xəbərlər