Bütün xəbərlər
Moskva Xəbər Agentliyinin baş redaktorunun müavini Aleksandr Malyutin vəfat edib
Tarix: 10-06-2024 20:32 | Bölmə: Karusel

Rusiyalı jurnalist, Moskva şəhər xəbər agentliyinin baş redaktorunun müavini Aleksandr Malyutin 60 yaşında vəfat edib.
Sabaha-inamla.az rus mətbuatına istinadən xəbər verir ki, Agentliyin dəqiqləşdirdiyi kimi, ölüm insultdan sonra baş verib.
İyunun 2-də jurnalist insult diaqnozu ilə təcili olaraq Zelenoqrad xəstəxanasına yerləşdirilib.
Malyutin 2014-cü ildən, medianın yarandığı vaxtdan Moskva agentliyində işləyib və 2023-cü ilə qədər baş redaktor vəzifəsində çalışıb.
Redaktorlar jurnalistin ailəsinə və dostlarına, eləcə də onunla birlikdə işləyən hər kəsə dərin hüznlə başsağlığı verib.
Aleksandr Malyutin 1964-cü ildə Novoçerkasskda anadan olub. O, “Kommersant” nəşriyyatında, “Forbes” jurnalının rus versiyasında, “Gazeta.ru” internet nəşrində, “SmartMoney” nəşriyyatında, “Marker” biznes nəşrində və digər KİV-lərdə çalışıb. 2011-ci ilin aprelindən 2012-ci ilin iyununadək və 2013-cü ilin avqustundan dekabrına qədər “İzvestiya”nın baş redaktoru vəzifəsində çalışıb.


Baxış sayı: 90


Bölməyə aid digər xəbərlər