Bütün xəbərlər
Dodon: "Moldova MDB və Aİİ-nin həyatında iştirak etmədiyi üçün milyardlarla dollar itirib"
Tarix: 09-06-2024 12:57 | Bölmə: Karusel

Moldovanın eks-prezidenti və Sosialist Partiyasının lideri İqor Dodonun sözlərinə görə, ölkə Avrasiya İqtisadi İttifaqı (Aİİ) və Müstəqil Dövlətlər Birliyinin (MDB) fəaliyyətində iştirak etməməklə milyardlarla dollar itirib.
Sabaha-inamla.az rus mətbuatına istinadən xəbər verir ki, Sankt-Peterburq Beynəlxalq İqtisadi Forumu zamanı RİA Novosti-yə müsahibəsində moldovalı siyasətçi Kişinyovun bu təşkilatlarda fəal iştiraka qayıtmasının vacibliyini vurğulayıb.
Dodon Moldovanın ciddi maliyyə itkiləri ilə üzləşdiyini qeyd edib. O xatırladıb ki, prezident Maia Sandu vəzifəyə başladıqdan sonra MDB ilə əlaqələri kəsmək niyyətində olmadığını və Rusiya ilə münasibətləri davam etdirəcəyini əmin edib, lakin son il yarım ərzində vəziyyət dəyişib.
Dodon vurğulayıb ki, “MDB-dən çıxmaq birtərəfli mümkün deyil, bu, MDB ölkələrinin qərarı olmalıdır”. O, əmindir ki, bu təşkilatlarda fəal iştiraka qayıtmaq Moldovanın maraqlarına uyğundur.
2022-ci ildən Moldova MDB və Aİİ-nin iclaslarında iştirak etmir, bu strukturlarda müşahidəçi statusunda qalır.


Baxış sayı: 121


Bölməyə aid digər xəbərlər