Bütün xəbərlər
Yunanıstan Ukrayna ilə müdafiə sazişi imzalamaq niyyətində deyil
Tarix: 27-05-2024 21:45 | Bölmə: Karusel

Yunanıstanın planlarına Ukrayna ilə müdafiə sazişi imzalamaq daxil deyil. Sabaha-inamla.az rus mətbuatına istinadən xəbər verir ki, bu barədə Yunanıstan hökumətinin rəsmi nümayəndəsi Pavlos Marinakis bildirib.
Bundan əvvəl Ukrayna prezidentinin rəsmi saytında ölkələr arasında müdafiə sahəsində əməkdaşlığa dair ikitərəfli sazişin tezliklə imzalanması ilə bağlı xəbər yayılıb. Marinakis jurnalistlərə deyib ki, Yunanıstanın yardımı “əvvəlcədən elan ediləndən artıq” genişləndirmək planı yoxdur.
Mayın 23-də Yunanıstanın baş naziri Kiriakos Mitsotakis Vladimir Zelenski ilə söhbətində ölkəsinin Ukrayna tərəfinə yardımı davam etdirəcəyini bildirib.
Bundan əvvəl mətbuat Yunanıstanın Ukraynaya gizli şəkildə 250 konteyner silah və sursat göndərdiyi barədə məlumat yaymışdı. Təchizat Rumıniya vasitəsilə Salonikidən gətirilir.
Daha sonra Yunanıstanın milli müdafiə naziri Nikos Dendias bu nəşri təkzib edərək, bunu reallıqdan uzaq adlandırıb.
Öz növbəsində xarici işlər nazirinin müavini Giorgos Kotsiarası Olimpiya atəşkəsinə çağırıb. Paris Olimpiadası 2024-cü il iyulun 26-dan avqustun 11-dək keçiriləcək.


Baxış sayı: 107


Bölməyə aid digər xəbərlər