Bütün xəbərlər
Helikopter qəzasında həlak olanlarla vida mərasimi Təbrizdə başlayıb
Tarix: 21-05-2024 11:19 | Bölmə: Karusel

İranın Təbriz şəhərində təyyarə qəzasında həlak olan İran prezidenti İbrahim Rəisi və xarici işlər naziri Hüseyn Əmir Abdullahyanla vida mərasimi başlayıb.
Sabaha-inamla.az rus mətbuatına istinadən xəbər verir ki, IRNA-nın məlumatına görə, dəfn mərasimində bir neçə min insan iştirak edir.
Mərasimdən sonra həlak olanların cənazələri ölkənin paytaxtı Tehrana aparılacaq və burada mərkəzi məsciddə ümumi anım namazı qılınacaq.
İranın vitse-prezidenti Möhsün Mənsuri bildirib ki, İbrahim Rəisinin dəfn mərasimi mayın 23-də doğulduğu Məşhəd şəhərində İmam Rza məqbərəsində keçiriləcək.
Dövlət başçısının helikopteri mayın 19-da İranın Şərqi Azərbaycan əyalətində qəzaya uğrayıb. İlkin məlumatlara görə, qəzaya səbəb texniki nasazlıq olub, bundan əlavə, bölgədə çətin hava şəraiti olub. Ölkədə 5 günlük matəm elan edilib.


Baxış sayı: 115


Bölməyə aid digər xəbərlər