Bütün xəbərlər
Ussuriysk məhkəməsi uşaq meydançasına atəş açan şəxsi həbs edib
Tarix: 22-04-2024 08:09 | Bölmə: Karusel

Primorye Prokurorluğu uşaq meydançasında qaz tapançasından atəş açan şəxsin tutulması barədə məlumat yayıb.
Sabaha-inamla.az rus mətbuatına istinadən xəbər verir ki, bu barədə Ussuriysk rayon məhkəməsi qərar verib.
Hadisə bu il aprelin 19-da baş verib. İstintaqın məlumatına görə, kişi evinin pəncərələrinin altında futbol oynayan uşaqların yaratdığı səs-küydən narazı qalıb. Adam sərt şəkildə gənc idmançılardan gedib başqa yerdə oynamalarını tələb edib, ondan imtina edilib. Daha sonra qaz tapançasından oyun meydançasına tərəf atəş açıb və bu barədə uşaqların özləri hüquq-mühafizə orqanlarına məlumat veriblər.
Hadisə yerinə gələn hüquq-mühafizə orqanlarının əməkdaşları xuliqanı evdə aşkar ediblər. Ondan tapança və döyüş sursatları götürülüb.
Faktla bağlı Rusiya Federasiyası Cinayət Məcəlləsinin 213-cü maddəsinin 2-ci hissəsi (silah qismində istifadə edilən əşyalardan istifadə etməklə törədilən xuliqanlıq) ilə cinayət işi başlanıb. Prokurorun mövqeyi nəzərə alınaraq, şübhəli şəxs iki ay müddətinə həbs edilib.


Baxış sayı: 99


Bölməyə aid digər xəbərlər