Bütün xəbərlər
Moskva Şəhər Məhkəməsi “Krokus”da terror aktı ilə bağlı işdə iştirak edən daha bir şəxsin həbsinin qanuniliyini tanıyıb
Tarix: 10-04-2024 21:07 | Bölmə: Karusel

Moskva Şəhər Məhkəməsi "Crocus City Hall"da törədilən terror aktında əli olmaqda şübhəli bilinən Dilovar İslamovun həbsinin qanuniliyini tanıyıb.
Sabaha-inamla.az rus mətbuatına istinadən xəbər verir ki, İslamovun sahibi olduğu "Renault Symbol" markalı avtomobillə terrorçu olduğu iddia edilən şəxslər konsert zalına gələrək, hadisə yerindən oradan qaçıblar. O, avtomobili fevral ayında geri satıb, lakin müstəntiqlər hesab edirlər ki, Dilovar, onun qardaşı Aminçon və onların atası İsrail hücumçuların planlarından xəbərdar olublar.
Tverdə yaşayan Dilovar terror aktından sonra polisə gələrək avtomobili alanlar barədə danışdıqdan sonra hər üçü saxlanılıb, o, günahını etiraf etməyib.
Daha sonra bütün ailə üzvləri Basmannı məhkəməsinin həbs qərarına etiraz edib, lakin Moskva Şəhər Məhkəməsi bütün şikayətləri rədd edib.
"Krokus"da 144 nəfərin ölümü ilə nəticələnən terror aktı ilə əlaqədar qətliamı həyata keçirən 4-ü Tacikistan vətəndaşı olmaqla, 10 nəfər həbs edilib. İslamov qardaşlarının Rusiya vətəndaşlığı, atalarının isə Rusiya Federasiyasında yaşamaq icazəsi var.


Baxış sayı: 82


Bölməyə aid digər xəbərlər