Bütün xəbərlər
Eyfel qülləsi olimpiya halqaları ilə bəzədiləcək
Tarix: 08-04-2024 22:14 | Bölmə: Karusel

Parisdə keçiriləcək Yay Olimpiya Oyunları ərəfəsində Fransa paytaxtının hakimiyyəti məşhur Eyfel qülləsini olimpiya halqaları ilə bəzəmək qərarına gəlib.
Sabaha-inamla.az rus mətbuatına istinadən xəbər verir ki, hər bir Olimpiada ənənəvi olaraq ev sahibi şəhərin ən çox ziyarət edilən yerlərində olimpiya halqalarının quraşdırılması ilə müşayiət olunur. 2024-cü ildə Parisdə keçiriləcək Oyunlar üçün belə yer kimi Eyfel qülləsi seçilib.
İlkin məlumatlara görə, olimpiya halqaları təxminən 60 metr hündürlükdə, Fransa paytaxtının əsas attraksionunun birinci və ikinci mərtəbələri arasında yerləşdiriləcək.
Paris şəhərin imicini poza biləcək hər kəsdən və hər şeydən təmizlənir
“RİA Novosti” xəbər verir ki, beş olimpiya halqasının daxil olacağı strukturun ölçüsü 30x15 metr olacaq. Təşkilatçılar onun əsas elementlərini yerli istehsalçıların təkrar emal olunmuş poladdan hazırlamaq niyyətindədirlər.
Eyfel qülləsi çox dəbli Olimpiya simvolu oldu. Əvvəllər bildirilmişdi ki, Olimpiya mükafatlarının qüllə konstruksiyasından götürülmüş metal nüvəsi olacaq. Eyfelin yaradıcılığı Oyunların medallarında da əks olunacaq.




Baxış sayı: 82


Bölməyə aid digər xəbərlər