Bütün xəbərlər
"Bavariya"nın baş məşqçisi Tuxel: "Mənim fikirlərim Bayerə qarşı işləmədi"
Tarix: 11-02-2024 13:58 | Bölmə: Karusel

Almaniyanın hazırkı futbol çempionu "Bavariya" Bundesliqada "Bayer"ə dağıdıcı şəkildə uduzdu (0:3).
Sabaha-inamla.az rus mətbuatına istinadən xəbər verir ki, qonaq baş məşqçi Tomas Tuxel məğlubiyyətin günahını öz üzərinə götürüb.
"Əlbəttə ki, matçda taktika seçiminə görə mən ilk növbədə cavabdehəm" deyən Tuxel etiraf etdi: "İndi mən günahı öz üzərimə götürməliyəm - burada iki fikir ola bilməz".
Münhenli çalışdırıcının sözlərinə görə, o, ən vacib oyuna tam bir həftəlik hazırlığın nəticəsiz qalmasından üzülüb: “İdeyalar irəli sürmək və futbolçuları düzgün yanaşmaya inandırmaq mənim işimdir.Təəssüf ki, alınmadı”.
"Bütün həftə yaxşı hazırlaşdığımızı və özümüzdən daha çox şey gözlədiyimizi düşünürdüm, amma sonda evə əliboş qayıtdıq"- Bayern baş məşqçisi deyib.
21-ci turda “Bayer”ə məğlubiyyətdən sonra Münhen klubu “Aspirinlilər”dən 5 xal geridə olsa da, Tuxel onun başına kül atmaq fikrində deyil: “Hansı turda olursa olsun, biz dəsmal atmayacağıq”.
"Xal fərqi artıb, lakin yanaşmamız dəyişməyəcək. Biz irəliləməyə davam etməliyik, təkmilləşməliyik və xüsusilə Tomas Müllerin dediyi standartlara cavab verməliyik", - Münhen baş məşqçisi deyib.


Baxış sayı: 41


Bölməyə aid digər xəbərlər