Bütün xəbərlər
Moldova fermerləri Rumıniya ilə sərhəddə yolu bağlayıblar
Tarix: 10-02-2024 22:49 | Bölmə: Karusel





Şənbə günü, fevralın 10-da Moldovanın bir sıra regionlarından olan fermerlər Rumıniya ilə sərhəddəki Leuseni keçid məntəqəsində təxminən 30 dəqiqə ərzində yolda nəqliyyatın hərəkətini bağlayıblar.
Sabaha-inamla.az rus mətbuatına istinadən xəbər verir ki, Moldova “Fermerlərin Gücü” assosiasiyasının nümayəndəsi İon Plamadealanın sözlərinə görə, etiraz aksiyası kortəbii və ehtiyatlı olub. 30-35 traktorda fermerlər iştirak edirdi.
Əgər respublika hakimiyyəti fermerlərin tələblərini eşitməsə, genişmiqyaslı etirazlarla hədələyir.
Bu həftənin əvvəlində Moldovanın bir sıra regionlarının kənd təsərrüfatı işçiləri mitinqlər keçirib. “Fermerlərin Gücü” Assosiasiyası dünən bütün ölkə boyu nümayişlər keçirməyi və avtomobil yollarına texnika aparmağı planlaşdırdığını açıqlayıb, RİA Novosti yazır.
Moldova fermerləri hökumətdən taxıl və yağlı bitkilərin avtomobil yolu ilə Ukraynadan tranzitinə qadağa qoymağı, maliyyə yardımının genişləndirilməsini xahiş etməyi, həmçinin taxıl istehsalçılarına borc cərimələrinə moratorium tətbiq etməyi tələb edirlər. Bundan əlavə, onlar həm də milli kənd təsərrüfatının inkişafı fondunun artırılmasına çalışırlar. Tələblər martın sonuna qədər yerinə yetirilməlidir.
Dekabr ayında etiraz edən fermerlər hakimiyyətin problemlərini həll etmək istəməməsindən narazılıqlarını bildirmək üçün prezident Maia Sandu-nun ofis binasına bir torba peyin gətirdilər.


Baxış sayı: 68


Bölməyə aid digər xəbərlər